बस व जिप दुर्घटनाय् चालक नापं न्हेम्ह सित, ४७ म्ह घाःपाः

maitrinews

सुनसरीया धरानय् बस दुर्घटना जुयाः न्हेम्ह मनू सीगु दुसा ४७ म्ह मनू घाःपाः जूगु दु ।
धनकुटाया चौबिसे गाउँपालिकाया बुधबारें धरानपाखे वयाच्वंगु को२ख २७१३ ल्याःया बस धरानया जिरोप्वाइन्टय् ब्रेक फेल जुयाः दुर्घटना जूगु प्रहरीं जानकारी ब्यूगु दु ।
दुर्घटनाय् सीपिं चालक चक्रबहादुर गुरुङ, यात्रु बलबहादुर मगरया जक म्हसीका सीदूगु दु । प्रहरीया कथं छम्ह मिसा व वया म्ह्याय्या नां सीमदुनि ।
घाःपाः जूपिनिगु धरानया बीपी कोइराला स्वास्थ्य विज्ञान प्रतिष्ठानय् वासः जुयाच्वंगु दु ।