स्वनिगः नापं देशया पूर्वि र मध्य भागया वाः वइगु

maitrinews

मौसम पुर्वानुमान महाशाखां स्वनिगः नापं देशया पूर्वि र मध्य भागया थी थी थासय् थौं न्हिनय् वाः वई धागु दु ।
थौं न्हिच्छीं पूर्वी र मध्यभागय् सामान्य बदली जुइगु व पश्चिमी भागाय् आंशिक बदली जुइगु दु । देय्या पूर्वी र मध्य भागया छुं छुं थासय् व पश्चिमया छथाय् निथाय् मेघ गर्जन नापं वाः वईगु संभावना दुगु महाशाखां अनुमान यागु दु । पूर्वि व मध्य तराईया छुं छुं थासय् सामान्य नापं मध्यम वाः फय् वइगु संभावना दु । हिमालि भेगया छुं छुं थासय् हल्का नापं मध्यम हिमपात जुइगु संभावना दु । थौं चान्हे देशया पुर्वी तथा मध्य भागय् छुं छुं स्थान व पश्चिमी पहाडी भागय् छथाय् निथाय् मेघ गर्जन जनपं भचाः भचाः वा वइगु संभावना दुगु मौसम पुर्वानुमान महाशाखां धागु दु । देशया पूर्वी भागय् धासा थौ चान्हे आंशिक नापं सामान्य बदली व बांकि भागय् आंशिक बदली जुइगु दु । नापं थौ चान्हे पूर्वि व मध्य तराईया छुं छुं थासय् सामान्य व मध्यम फय् वइगु अनुमान यागु दु ।