भारतनापं शान्ति कायम जुसाः तःधंगु उपलब्धि जुइगु प्रधानमन्त्री इमरान खानया धापुः

maitrinews

पाकिस्तानया प्रधानमन्त्री इमरान खानं कश्मीर विवादबारे भारतनापं शान्ति कायम जुसाः तःधंगु उपलब्धि जुइगु धाः गु दु ।
प्रधानमन्त्री खानं परमाणुशक्तिसम्पन्न निगुः छिमेकी मुलुकं वातां जकः आपसी मतभेद तंके फइगु धाःगु खः । कश्मीरय् हिंसा तच्वःगु छुं हप्तालिपा भारतय् निर्वाचनया तयारी जुयाच्वबले पाकिस्तानी प्रधानमन्त्रीया थ्वः धापुः वगु खः । भारतया प्रशासन दुगु कश्मीरय् भारतीय् च्वपिं सुरक्षाकर्मीपिन्त आत्मघाती आक्रमण लिपा भारतं पाकिस्तानी भूमिइ हवाई आक्रमण यागु खः । कश्मीर मुद्दा गुली फु उली याकन सिधयके मागु प्रधानमन्त्री खानया धापु दु । निर्वाचन अभियानया झ्वलय् भारतया प्रधानमन्त्री नरेन्द्र मोदीं पाकिस्तानविरोधी अभिव्यक्ति बियाच्वंगु दु । अथेहें राष्ट्रिय सुरक्षासम्बन्धी मुद्दाय् तिवं बिउगु दु । भारतया लोकसभा निर्वाचनयात यक्वःसिनं मोदीया हिन्दू राष्ट्रवादी भारतीय जनता पार्टीं जुई त्यंगु जनमतसङ्ग्रहया रूपय् स्वगु दु । भारतमा बिहीवाः सुरु जुइगु मतदान मे महिना तकः जुइगु खः ।