इन्टरनेट सेवा प्रदायक सरकारविरुद्ध आन्दोलनय्

maitrinews

टीभी प्रसारणया अनुमति काःगु कम्पनीयात सरकारं विना प्रतिस्पर्धा इन्टरनेटया नितिं फ्रिक्वेन्सी बिइगु तयारी यायेधुंकाः इन्टरनेट सेवा प्रदायकपिं आन्दोलनय् क्वाहाँ वःगु दु । सरकारया तयारी विरुद्ध थि थि संस्थाइपिंसः नेपाल दूरसंचार प्राधिकरणया प्रदेश द्वारय् धर्ना ब्यूगु दु ।
सरकारं विद्यमान विनियमावलीइ हे हिउपाः हयाः दंक फ्रिक्वेन्सी बिइत्यंगु सिइकेधुंकाः इपिं धर्नाय् च्वंगु खः । दँबदँ न्ह्यःनिसें सरकारं थःपिन्त फ्रिक्वेन्सी मब्यूगु व आः वयाः टेलिभिजन प्रसारक संस्थायात ‘खुँ लँपु’पाखें बिइतयंगु धासें इपिं आन्दोलित जुयाः धर्नाय् च्वंगु खः ।
इन्टरनेट सेवा प्रदायकपिनिगु संस्था आइस्पानया नायः भोजराज भट्टं मन्त्रालयया तप्यंगु हस्तक्षेपय् फ्रिक्वेन्सी गैरकानूनी कथं बिइत्यंगुलिं आन्दोलनय् क्वाहाँ वयागु धयादिल । वय्कलं फ्रिक्वेन्सी मोल बढाबढय् लिलामी यायेमाःगु धयादीगु दु ।
वय्कलं धयादी, “अक्सन यायेबलय् राज्यायात नं फाइदा जुइ । सुयात पोसेयायेगु नितिं हे सरकारं ब्याक डोरपाखें फ्रिक्वेन्सी बिइत्यंगु गलत खः ।” सरकारं थःपिनिगु माग सुनुवाई मयाःसा चरणबद्ध आन्दोलनय् क्वाहाँ वयेगु ख्याच्वः सेवा प्रदायकपिन्सं ब्यूगु दु । इमिसं प्राधिकरणय् ज्ञापन पौ नं लःल्हाःगु दु । फ्रिक्वेन्सी वितरणया मान्यता व अभ्यास अःखःया ज्या मयायेत इमिसं सचेत याकूगु दु । सरकारं थःपिनिगु माग मन्यन धासाः चरणवद्ध आन्दोलनय् वयेगु चेतावनी नं ब्युगु दु ।