लुक्लाय् जुगु विमान दुर्घटनाय् स्वम्हः सित

maitrinews

 

लुक्ला । लुक्लाया तेन्जिङ हिलारी विमानस्थलय् आइतबाः सुथेँ करीब ९ बजे जुया ५ मिनेटे बिमान दुर्घटना जुगु दु । विमानस्थलय् हवाईजहाज व हेलिकोप्टर ल्वानाः जूगु दुर्घटनाय् छम्ह कोपाइलट व निम्हः सुरक्षाकर्मी सीगु पुष्टि जूगु दु । एयरहोस्टेज धाःसा सकुशल जूगु दु ।
सोलुखुम्बुया प्रमुख जिल्ला अधिकारी नरेन्द्रकुमार रानां कोपाइलट व प्रहरीया ज्यान वंगु पुष्टि याःगु दुसा वं एयर होस्टेज आर. लामा धाःसा सकुशल जूगु धयादीगु दु ।
सीपिं समिट एयरया कोपाइलट सुदीप ढुंगाना व पर्यटक प्रहरी असई रामबहादुर खड्का व रुद्रबहादुर श्रेष्ठ जूगु जानकारी ब्यूगु दु ।
उगु दुर्घटनाय् लानाः समिट एयरया क्याप्टेन आर.बी रोकाया, मनाङ एयरया क्याप्टेन घाःपाः जूपिन्त येँया टोखाया ग्राण्डी अस्पतालय् हःगु दु । क्याप्टेन रोकायाया अवस्था तच्वः जुयाच्वंगु दु ।
दुर्घटना जुइखतं हवाइजहाज व हेलिकोप्टर फातापूगु खः । वधुंकाः च्याःगु मिं सुरक्षाकःमिं स्याःगु खः ।