भारतं टिकटक एप प्रतिवन्ध यात

maitrinews

भारत । एपल व गुगल कम्पनीं भारतय् थगु एप स्टोरं टिकटक एप लिकागु दु । थ्वः निगु कम्पनीं मद्रास उच्च न्यायालयया आदेश पालना यासेँ भिडिओ दयकिगु व शेअर यायगु एप टिकटक लिकागु खः ।
लिपांगु इलय् युवा पुस्ता दथुइ अतिकं लोकप्रिय जुगु मोबाइल एप्स टिकटक भारतय् प्रतिबन्ध याःगु दु । अश्लिल हलंज्वलंत तकं टिकटकय् लुयावयेधुंकाः प्रतिबन्ध तयेत भारतीय मद्रास उच्च अदालतं सरकारयात ब्यूगु आदेश कथं थनिनिसें टिकटक बन्द याःगु खः ।
लिपांगु इलय् थुकिं मचातय्त नकारात्मक लिच्वः लाकूगु व अश्लिल हलंज्वलं उपलब्ध जूगु हुनिं अदालतं थुज्वःगु आदेश ब्यूगु धाःगु दु । एपलया प्लेटफर्मय् धाःसा बहनीतक उगु एप्स उपलब्ध जूसां नं डाउनलोड यायेमज्यू व न्हापा हे डाउनलोड जूगु एप्स नं चलेजूगु अवस्थाय् मदूगु खः ।
बंगलादेश व इन्डोनेसियाया सरकारं थुगु एप्सयात पूर्णरुपं प्रतिबन्ध तयेधुंकूगु व अमेरिकां तकं थ्व सम्बन्धी कडा नियम जारी यायेधुंकूगु दु । वहे अवस्थाय् भारतं नं मोबाइल अनलाईन एप्स टिकटकयात प्रतिबन्ध् तयेत सरकार न्ह्यःने थुज्वःगु आदेश ब्यूगु खः ।