भारतय् थौं निगुगु चरणया मतदान

maitrinews

भारत । भारतय् लोकसभा निर्वाचनअन्तर्गतया थि थि राज्यय् निगुगु चरणमा मतदान जुयाच्वंगु दु । निगुगु चरणय् तमिलनाडुनापं १२ राज्य व छगु केन्द्रशासित प्रदेशय् मतदान जुयाच्वंगु खः ।
थौं जुयाच्वंगु मतदानय् १६ करोड मतदाता दु । संसद्या क्वय्च्वंगु सदन लोकसभाया लागि जुगु थ्वः निर्वाचन अन्तर्गत मे १९ तारिख तक्कः न्हेगु चरणय् मतदान जुई । गत एप्रिल ११ य् नहापांगु चरणय् उत्तरप्रदेश, बिहार, पश्चिम बङ्गालसमेत १८ राज्य व निगु केन्द्रशासित क्षेत्रय् मतदान जुगु खः । फुक्कः क्षेत्रया मतदान सिधय् धुंका मतगणना २३ तारिखय् सुरु जुई ।
थुगु निर्वाचनं भारतीय संसद्या क्वय् च्वंगु सदन लोकसभाया लागि प्रत्यक्ष रूपं न्हुपिं सांसद ल्यइगु खः । लोकसभाय् ५४३ स्थान दु । बहुमत हयेत २७२ सांसद जुइमागु दु । न्हापांगु चरणया मतदान सम्पन्न जुगु स्थानय् ९१ सांसद् निर्वा्चित जुईगु व निगुगु चरणया मतदानं ९५ सांसद् ल्यईगु खः ।
निगु चरणय् असम, बिहार, छत्तीसगढ, जम्मूकश्मीर, कर्नाटक, महाराष्ट्र, मणिपुर, ओडिशा, पुद्दुचेरी, तमिलनाडु, त्रिपुरा, उत्तर प्रदेश व पश्चिम बङ्गालया निर्वाचन क्षेत्रय् मतदान जुगु खः । तमिलनाडुकया ३८ क्षेत्र नापं त्रिपुरा, मणिपुर व पुद्दुचेरीं छगु छगु क्षेत्रय् मतदान जुई । तमिलनाडुया भेलोरय् जुइमागु मतदान धाःसा अनियमितताया आशङ्काय् स्थगित जुगु दु ।