श्रीलंकाया चर्च व थि थि होटले जुगु विष्फोटनय् सिपिं १३८ थ्यन, घाःपा जुपिँ ४४० स्वयाँ अप्वः

maitrinews

 

कोलम्बो । श्रीलङ्काया राजधानी कोलम्बो सहित नापं थि थि थाय्या चर्च र होटले जुगु श्रृंखलाबद्ध विष्फोटनय् सिपिं १३८ थ्यंगु दु ।

कोलम्बोय् च्वंगु सेन्ट एन्थोनी व सेन्ट सेबास्टियन चर्चय् थौ सुथय् विष्फोट जुगु खः । बिष्फोटया कारणं करिव ४४० म्हः घाः पाः जुगु अन्तर्राष्ट्रिय सञ्चारमाध्यामं धाःगु दु । बिस्फोटय् घाः पाः जुपिं १६० या कोलम्बो नेसनल अस्पतालय् वासः जुया च्वंगु दु । चर्चय् बिस्फोट जुइ धुंका राजधानीया स्वंगु होटले नं आक्रमण जुगु प्रहरीलं धाःगु दु । राजधानी कोलम्बोया साङ्ग्रिला, सिनमन ग्रान्ड व किङ्सबरी होटलय् नं बिस्फोट जुगु खः।
अथेहे, देशया पूर्वी क्षेत्र बाट्टिकोलोवा नगरया छगु चर्चय् नं बिस्फोट जगु दु । बाट्टिकोलोवा अस्पतालया छम्हः अधिकारीं चर्चय् जुगु बिस्फोटय् ४४० स्वयाँ अप्वः घाः पाः जुगु धाःगु दु । बौद्धमार्गी अप्वः दुगु श्रीलङ्काय् करिब ६ प्रतिशत क्याथोलिक सम्प्रदाय दु । चर्चय् बिस्फोट जुया इसाई धर्मावलम्बीया इस्टरया अवसरय् जुगु धार्मिक ज्याझ्वः ले सहभागी जुपिं घाः पा जुगु खः । घटना लिपा श्रीलङ्काका राष्ट्रपति मैत्रीपाल सिरिसेनां राष्ट्रया नामें सम्बोधन यासें देशवासीयात शान्त जुइत इनाप यागु दु ।