थौं १३ औं लोकतन्त्र दिवस

maitrinews

थौं १३ औं लोकतन्त्र दिवसया झ्वलय् देशया दक्व थासय् जनस्तरय् थि थि ज्याझ्वः न्हाका माने याना च्वंगु छ ।
२०६२÷६३ या जनआन्दोलन सुथां लाकाः २०६३ वैशाख ११ गते लोकतन्त्र स्थापना जुगु सम्झनाय् थौं लोकतन्त्र दिवस मानेथागु खः । लोकतन्त्र स्थापना लिपाः शान्ति प्रक्रिया निष्कर्षय् थ्यने धुंका संविधान कार्यान्वयनय् वगु खः । पुनःस्थापित संसद्या जेठ ४ गते सम्मन्न जुगु बैठकं राजसंस्थायात निलम्बन यासें कार्यवाहक राष्ट्राध्यक्षया अधिकारसमेत प्रधानमन्त्रीयात ब्युगु खः ।
जनआन्दोलनय् कमाण्डरसमेत जुया दिम्हः नेपाली कांग्रेसया तत्कालीन सभापति गिरिजाप्रसाद कोइरालाया नेतृत्वय् गठन जुगु सर्वदलीय सरकारं २०६४ चैत २८ गते न्हापांगु संविधानसभाया चुनाव यागु खः । संविधानसभा पाखें बने जुगु संविधानं गणतन्त्र, संघीयता व धर्म्निरपेक्षताथात संस्थागत थागु । संघीय शासन प्रणालीया अभ्यास सुरु नुगु खः । स्थानीय तह, प्रदेश व संघ याना स्वंगु तहया चुनाव सम्पन्न यासें जनप्रतिनिधि पिंसः ज्या सुरु यागु खः ।