नेपाःलय् लगानी यायेत चिनियाँ ब्यापारीपिंत इनाप

maitrinews

बेइजिङ । चीनया राजकीय भ्रमणय् झ्mाया दिम्हः राष्ट्रपति विद्यादेवी भण्डारीं थौं आइतबाः चीन वाणिज्य स्टक इन्टरप्राइजेज अन्तर्गत आर्थिक मंका कमिटीया नाय् नापं खँलाबला यायेगु दु ।

उगु खँलाबलाय् नेपाः या अर्थतन्त्र व चिनियाँ ग्वहालीया विषयलय् समेत छलफल जुइगु दु । खँलाबला नापं राष्ट्रपति भण्डारीें नेपाः–चीन व्यापार व व्यवसाय दबुली राष्ट्रपतिं सम्बोधन याइगु ज्याझ्वः दु । ज्याझ्वःले राष्ट्रपति नापं झ्mायादिपिं प्रतिनिधिमण्डल नं ब्वति काइगु दु ।

अथेहे, छलफलया झ्वलय् नेपाल लगानी बोर्ड व चीन वाणिज्य स्टक इन्टरप्राइजेज अन्तर्गत आर्थिक मंका कमिटीनापं नेपाः या लगानीसम्बन्धमय् अनुभव आदानप्रदानया नापं सम्झौताय् हस्ताक्षर यायेगु ज्याझ्वः दु ।

नापं, दबुली सहभागी जुयादिँधुंका राष्ट्रपतिं बेइजिङकया केन्द्रय् चवंगु नेपाः या कलाकार अरनिकों दयेकुगु श्वेत चैत्य अवलोकन याइगु ज्याझ्वः दु । बहनी अन्तर्राष्ट्रिय बागवानी प्रर्दशनीं नेपाः नं दयेकुगु लुम्बिनी शान्ति बगैंचाया अवलोकन याइगु ज्याझ्वः दु ।