नेपालं मलेसियायात बिल १४१ रनया लक्ष्य

maitrinews

नेपालं एसीसी यू–१६ इस्टर्न रिजन क्रिकेट कासाया उपाधिया नितिं मलेसियायात १४१ रनया लक्ष्य ब्यूगु दु ।
थाइल्याण्डय् जुयाच्वंगु फाइनल कासाय् नेपालं टस त्याकाः न्हापां ब्याटिङ यासें ३५ ओभरय् ९ विकेट गुमेयानाः १४० रन जक मुंकेधुंकाः मलेसियां सामान्य चुनौती काःगु खः ।
नेपाःया नितिं प्रशान्त महतं सर्वा्धिक ४० रन दयेकूगु खः । अथेहे, दिपक बोहरां २३, विशाल विक्रम केसीं १७ व निखिलकुमार सिंहं १३ रन दयेकुगु खः ।
मलेसियायात बुकाः डिफेन्डिङ च्याम्पियन तकं जूम्ह नेपाःया थुगुखुसि नं उपाधि थःगु हे कब्जाय् तयेगु लक्ष्य दूगु खः । थुखे, मलेसिया नं नेपाःयात बुकाः उपाधि त्याकेगु लक्ष्यय् दु । नेपाः थ’कि न्हापा याग’ कासाया नं बिजेता खः ।