बीआरआईले नेपाः या प्रस्ताव पारित

maitrinews

बेइजिङ । चीनया लोकं ह्वागु महत्वाकांक्षी अन्तर्रा्ष्ट्रिय परियोजना बेल्ट एण्ड रोड इनिसियटिभ बीआरआईया निक्वःगु अन्तर्रा्ष्ट्रिय फोरमय् नेपाः नं तगु प्रस्ताव पारित जुगु दु । नेपाः या प्रस्ताव दुथ्यानिसें आः नेपाः व चीन न्हापा स्वयाँ अझ्m लिक्कः वगु दु ।
बेइजिङय् शुक्रवाः व शनिबाः जुगु बीआरआईया निन्हुया निक्वःगु गोलमेच सम्मलेनय् नेपाः पाखें राष्ट्रपति विद्यादेवी भण्डारीसमेतया आतिथ्य दुगु खः । करिब ४० राष्ट्रया राष्ट्र प्रमुख व सरकार प्रमुखपिं सहभागिता जुगु निन्हुया सम्मलेनं ३८ बुँदे सामुहिक प्रतिवद्धता सार्वजनिक यागु दु ।
शनिबाः जारी ३८ बुँदे मंका प्रतिवद्धताया परिशिष्टय् स्वंगु विषययात दुथ्याका थि थि ६४ परियोजनातं उल्लेख जुगु दु । उकिंमध्ये इकोनोमिक कोरिडोर एवं कनेक्टिभिटीस नापं सम्बन्धित ३५ परियोजना दु । उकिया २३ औं नम्बर बुँदाय् नेपाः या प्रस्तावयात दुथ्याकुगु दु ।
चीनया बीआरआई परियोजनाय् नेपालं थुकिं न्यह्हे सैद्धान्तिक सहमति जनेयागु जुसाः नं थुगु परियोजनादुने नेपाःयात गुकथे दुथ्याकेगु धैगु प्रष्ट मजुगु खः । तर, शनिबाः सम्पन्न जुगु गोलमेच बैठकं आः नेपाः चीन कनेक्टिभिटीयात औपचारिककथं बीआरआईं दुथ्याकसगस दु ।
सम्मेलनयात सम्वोधन यायेगु झ्वलय् राष्ट्रपति भण्डारीं प्राचीन सिल्क मार्गया दक्षिणी च्वः समेटेयागु नेपाः आः बीआरआईनापं जोडेजुया भूपरिवेष्ठित नेपाः या कनेक्टिभिटी बिस्तार व विश्व बजारय् अर्थतन्त्रयात एकीकरण यासें नेपाः या आर्थिक रुपान्तरणय् तधंगु ग्वहाली जुइगु विश्वास व्यक्त यागु दु । चिनियाँ राष्ट्रपति सि जिनपिङयात नापलायगु झ्वलय् चिनियाँ पक्षं नेपाः या जलवायु परिवर्तनया ख्यलय् नं चासो ब्युगु दु ।