भारतय् थौं प्यंगु चरणया मतदान जुल

maitrinews

भारत । भारतय् लोकसभाया प्यंगु चरणया मतदान थौं सोमवाः जुगु दु । संसदीय निर्वाचन अन्तर्गत गुगु राज्यया ७१ संसदीय क्षेत्रय् मतदान जुगु खः ।
करिव ९० करोड मतदाता दुगु भारतय् न्हेगु चरणया मतदान जुइगु याना अप्रिल ११ य् चुनाव न्हागु खः । प्यंगु चरणय् महाराष्ट्रया १७, उत्तर प्रदेश व राजस्थान १३, १३, पश्चिम बङ्गालया च्यागु, मध्य प्रदेश तथा ओडिशाया खुगु, बिहारया न्यागु, झारखण्डया स्वंगु व जम्मू कश्मीरया छगु संसदीय क्षेत्रय् मतदान जुगु खः । भारतया आर्थिक राजधानी मुम्बईले नं मतदान जुल ।
मतदानया झ्वलय् पश्चिम वंगालया छुं छुं थासय् लवापु जुगु भारतीय सञ्चारमाध्यामं धागु दु । थुकिं न्हापा स्वंगु चरण याना कुल ३०२ क्षेत्रय् मतदान जुईधुंकुगु दु । अन्तिम चरणया मतदान मे १९ य् जुइधुंका मे २३ निसें मतगणना जुइगु खः । प्यंगु चरणय् कुल ९४३ उम्मेदवारपिं प्रतिस्पर्धा याना च्वंगु दु ।