अन्तर्रा्ष्ट्रिय श्रमिक दिवसः सामाजिक सुरक्षा कार्यान्वयनय् जोड

maitrinews

स्वनिगः । १३० औं अन्तराष्ट्रिय श्रमिक दिवस थौं थिः थिः विभिन्न ज्याझ्वः याना हलिंन्यंक न्यायेका च्वंगु दु ।

मे १ तारिखया दिँ हलिंया ८० स्वयाँ अप्वः राष्ट्रय् आधिकारिक कथं मे दिवस न्यायेकिगु खः । सन् १८८६ मे ४ य् अमेरिकाया शिकागोय् जुगु हेमार्केट काण्डया लुमन्तिं थ्वः दिवस न्यायेका वगु खः। आठघण्टया कार्यावधि माग यासें आन्दोलन याना च्वपिं श्रमिक तयेत दमन यागु खः । उगु घटनाय् दर्जनौ श्रमिकया ज्यान वंगु खः । नेपाःले नं सन् १९६३ निसें अन्तराष्ट्रिय श्रमिक दिवस न्यायेका वयाच्वंगु खः।
थुगु दिवसय झ्वःलय् , राष्ट्रपति विद्यादेवी भण्डारीं विश्व मजदुर दिवसं थःगु हक, अधिकार व स्वतन्त्रतायात सामूहिक कथं बुलन्द याना हलिंन्यंकया श्रमजीविपिनिगु एकताया सूत्रय् चिँत ग्वाहाली याइगु विश्वास प्वंका दिगु दु ।
अथेहे, प्रधानमन्त्री केपी शर्मा ओलीें श्रमजीवीपिनिगु हक–अधिकार सुनिश्चित यासें श्रम ऐन, २०७४ या पूर्ण कार्यान्वयन जुगु उल्लेख याना दिगु दु । भिन्तुना सन्देश पाखें प्रधानमन्त्री ओलीं न्यूनतम पारिश्रमिकया ३९ प्रतिशतं वृद्धि गरी याये धुंकुगु समेत धया दिगु दु । प्रधानमन्त्री ओलीं थःगु देशेहें आत्मसम्मानपूर्ण श्रम वातावरण व म्वायेत गाक्कः अवसर श्रृजना यानावं वनिगु प्रतिबद्धता नं जाहेर याना दिगु दु ।