राष्ट्रपति भण्डारीपाखें नीति व ज्याझ्वः प्रस्तुत

maitrinews

स्वनिगः । राष्ट्रपति विद्यादेवी भण्डारीं सरकारया आगामी आर्थिक वर्ष २०७६÷०७७ या नीति व ज्याझ्वः प्रस्तुत याना दिगु दु ।
सङ्घीय संसद् प्रतिनिधिसभा व राष्ट्रयसभाया थौं या मंका बैठकय् वय्कनं नीति व ज्याझ्वः प्रस्तुत याना दिगु खः । राष्ट्रपतिं सङ्घीय संसद्या छुनं सदनया वा निगु सदनया मंका बैठकयात सम्बोधन याये फुगु संवैधानिक व्यवस्था दु ।
सरकारं निर्वाचनया इःले जनताया न्हने कवल याकथं चुनावी घोषणपत्रया आधारय् नीति व ज्याझ्वः दयेका वयाच्वंगु खः । राष्ट्रपति भण्डारीयात संसद् भवन नयाँ बानेश्वरय् थ्यंबले सभामुख, उपसभामुख, राष्ट्रियसभाया नायः, उपाध्यक्ष, कानून न्याय तथा संसदीय मामिलामन्त्री भानुभक्त ढकाल नापं सङ्घीय संसद् सचिवालयया महासचिव मनोहरप्रसाद भट्टराईं लसकुस याना दिगु खः । संसद् बैठक ४ बजे जुया ८ मिनेटय् शुरु जुगु खः ।
अथेहे उपराष्ट्रपति नन्दबहादुर पुनसमेत सङ्घीय संसद् भवनय् उपस्थित जुगु खः । राष्ट्रपतिको सम्मानयु नेपाली सेनां सम्मान गारद प्रस्तुत यागु खः । नीति व ज्याझ्वःया नितिं सङ्घीय संसद् भवन बाँलाकुगु खः । सुरक्षा व्यवस्था नं कडा यागु खः । प्रधानमन्त्री केपी शर्मा ओलीं सम्बोधनया प्रती राष्ट्रपतिसमक्ष पेश याना दिगु खः । सरकारको नीति व ज्याझ्वःया प्रत्यक्ष प्रसारणया नितिं स्वदेशी तथा विदेशी सञ्चारमाध्यमतं नयाँ बानेश्वरय् उपस्थित जुगु दु ।