राष्ट्रपतिं जिगु सरकार धाःगु अन्तराष्ट्रिय अभ्यासः प्रधानमन्त्री ओली

maitrinews

स्वनिगः । प्रधानमन्त्री केपी शर्मा ओलीं नीति व ज्याझ्वः या इः राष्ट्रपति विद्यादेवी भण्डारीं ‘जिगु सरकार’ धका सम्बोधन यागु सामान्य जुगु धःया दिगु दु ।
सरकारी निवास बालुवाटारय् सम्पादकपिंनापं अन्तरक्रिया यासें प्रधानमन्त्री ओलीें धयादिल,–‘राष्ट्रपतिं ‘जिगु सरकार’ धागु अन्तराष्ट्रिय प्रचलन कथं राष्ट्रप्रमुखया हैसियतं सरकार राष्ट्रपतिया हे खः, थुगु कारणं जिगु सरकारया नीति व ज्याझ्वः धया दिगु खः ।’ बौद्धिक वर्गं समेत राष्ट्रपतिया धापुयात टिप्पणी याना थःतः अजुः चागु वय्कनं धयादिलः । प्रधानमन्त्री ओलीं हलिं न्यंकया खँ मस्युसाँ छिमेकी मुलुक भारतया खँ बौद्धिक वर्गं मस्युगु दुःखद्’ जुगु टिप्पणी यानादिलः । वय्कनं धया दिलः,–‘अप्व तापागु खँ तोती । हलिं दक्वः या खँ नं तोती । छिमेकी मुलुक भारतय् चलेजुगु प्रचलन नं झ्mिंसँ मसिगु धैगु अःजु चागु खँ खः । भारतय् मेंगु पार्टीया सरकार जुसां नं राष्ट्रपतिं ‘माइ गभर्मेन्ट’ धायेगु चलन दु । भारतका यक्वः राष्ट्रपतिं ‘माइगभर्मेन्ट’ धागु दु । अनया राष्ट्रपतिं छु डेमोक्रेशी बुझ्mेमजुया थथे धागु खँ ला अले झ्mिँगु देशय् राष्ट्रपतिं ’जिगु सरकार’ धासाः राजतन्त्रया झल्को वइगु , भारत नं गणतन्त्रात्मक मुलुक खः । तर, झ्mिँ नकतिनि राजतन्त्रात्मक शासन प्रणालीं गणतन्त्रात्मक शासन प्रणालीं प्रवेश जुगुलिं बौद्धिक जगतयात राजतन्त्रया झल्को वगु खः,’ प्रधानमन्त्रीं धयादिल ।
राष्ट्रपति भण्डारीं ‘जिगु सरकार’ धका सम्बोधन याना राजतन्त्रया झल्को बिउगु धासें बिपक्षीनापं सत्तारुढ दलदुनिहें नेता कार्यकर्तां सामाजिक सञ्जालय् टिप्पणी यानाच्वंगु इः ले प्रधानमन्त्री ओलीं स्थापित अभ्याशयात समेत मथुगु वा थुँसाः मथु पहः यायेगु उचित मजुगु प्रष्ट यानादिल । प्रधानमन्त्री ओलीें संबिधानया संरक्षक व राष्ट्रप्रमुखया हैसियतं थ्वः सरकार राष्ट्रपतिया हे जुगु नं प्रष्ट यानादिल ।
प्रधानमन्त्री ओलीं बालुवाटारया सरकारी जग्गा ब्यक्तिया नामें यापिं सकसितं सावजनिक यायेगु घोषणा नं पत्रकारपिं न्हने यानादिल । बालुवाटारं देँ न्यंकया सार्वजनिक जग्गा थःगु नामें यापिंबिरुद्ध सरकार कडा रुपय् प्रस्तुत जुइगु धासें सुँनापं नं संझौता मजुइगु वयकया धाःपू खः । वयकनं बिगतया सरकारं निर्णय यागु आः सचेयायेगु ज्याः याना सरकारी सम्पत्तिया संरक्षण यायेगु प्रष्ट यानादिल ।