वइगु आर्थिक दँय् पुनर्निर्माणया नितिं १५६ अर्बया बजेट स्वीकृत

maitrinews

स्वनिगः । राष्ट्रिय पुनर्निर्माण प्राधिकरण निर्देशक समितिया बैठकं वइगु आर्थिक दँया पुनर्निर्माण तथा पुर्नस्थापनाया ज्याझ्वः न्ह्याकेत १ सय ५६ अर्बया बजेट स्वीकृत यागु दु । बैठकय् प्राधिकरणं पुनर्निर्माण तथा पुर्नस्थापना सम्बन्धी पञ्च वर्षीय योजनाया कार्यान्वयनया नितिं थुकिं न्हापा कूल ९ खर्ब ३८ अर्ब बराबरया वित्तीय माःगु निर्धारण यागु खः ।
नेपाल सरकारया बजेटरी प्रणालीं नेपाल सरकार व दातृ निकायया स्रोत समेत याना कुल ६ खर्ब ३० अर्ब बराबरया वित्तीय स्रोत परिचालन यायेगु प्रस्ताव यागु खः । नेपाल सरकारपाखें पुनर्निर्माण तथा पुनर्स्थापनाया चालू आर्थिक दँया संशोधित अनुमान नापं २ खर्ब ९१ अर्ब खर्च ज्ुइगु निर्देशक समितिया बैठकं अनुमान यागु दु । वः बाहेक थि थि गैरसरकारी संस्थातं व निजी क्षेत्रं पुनर्निर्माण तथा पुनर्स्थापनाया ज्याझ्वः न्हयाका च्वंगु दु ।
राष्ट्रिय पुनर्निर्माण प्राधिकरणया प्रमुख कार्यकारी अधिकृत सुशील ज्ञवालीें पुनर्निर्माण ज्याझ्वः न्हावना च्वंगु धासें बाँकी दुगु ज्याझ्वः क्वचायेकिगु इः बजेट परिचालनं सिँदैगु धया दिल । बैठकय् प्रस्तुत वित्तीय योजनाया खाकायात आधार कया वइगु दँया बजेट तथा ज्याझ्वः न्हयाकेगु निर्णय जुगु दु ।
भूकम्प प्रभावित थासय् आर्थिक तथा सामाजिक पुनरस्थापनाया ज्याझ्वःतं न्हयाकेगु, प्राधिकरणया पहले करिव ७५ एकीकृत बस्तीया पुनर्निर्माण पूवंकेगु तथा जोखिमयुक्त बस्तीया संरक्षण यायेगुलगायतया योजनातं दुथ्यागु दु ।
निर्माण क्वचागु व निर्माणा जुयाच्वंगु याना निजी आवासपाखेँ ८१ प्रतिशत, ब्वनेकुथिँपाखेँ ८८ प्रतिशत, स्वास्थ्य संस्थापाखेँ ६६ प्रतिशत, पुरातात्विक सम्पदापाखें ५९ प्रतिशत, सुरक्षा निकायया भवनपाखेँ ५६ प्रतिशत व सरकारी भवनपाखेँ ९८ प्रतिशत प्रगति जुगु दु ।