नेपाः व भियतनामयाबिचे तप्यंक हवाई सेवा सुरु यायेगु सहमति

maitrinews

स्वनिगः । भियतनामं नेपाः पाखें उत्पादन जुगु कृषि बस्तु आयात यायोत सहमत जुगु दु । अथेहे, नेपाः व भियतनामबीचे तप्यंक हवाई सेवा न्हाकेगु सहमति जुगु खः ।
भियतनामया भ्रमणय् झ्mाँया दिम्हः प्रधानमन्त्री केपी शर्मा ओली व समकक्षी न्युग्यन सुआन फुकयम दथुई जुगु वार्ताय् युगु सहमति जुगु खः । प्रधानमन्त्री ओलीनापं नेपाः या प्रतिनिधिमण्डलयात अनया राष्ट्रप्रमुख निवासय् शनिवाः लसकुश यागु खः । लसकुश लिपाः ओली व समकक्षी न्युग्यन सुआन फुकया दथुइ वार्ता जुगु खः । वार्ताधुंका निगु पक्षनं १६ बुदे मंका वक्तव्य पिधंगु दु । वार्ता क्वचायेका निगु देँया विदेश मन्त्रीबीचे व्यापार व लगानीया झ्वलय् जुइगु भ्रमण भिसा व पासपोर्टया विषयले सहमतिं हस्ताक्षर जुगु खः ।
अथेहे, नेपाः या सामग्री भियतनाम निर्यात यायेगु, भियतनामया लगानीकर्तां नेपाः ले लगानी यायेगु विषय खँलाबँला जुगु व भियतनामं सकरात्मक प्रतिक्रिया ब्युगु मन्त्रालयं जारी यागु विज्ञप्तिं उल्लेख जुगु दु । भियतनामं नेपाः या सामाग्रीयात थःगु बजारय् हयेगु सहमति जुगु व नेपालं भियतनामी लगानीकर्ता व उत्पादक ख्यलय् लगानी यायेत तिवः बिइत सहमत जुगु विज्ञप्तीं उल्लेख जुगु दु ।