अमेरिकाय् राष्ट्रिय संकटकाल घोषणा

maitrinews

अमेरिका । विदेशी साइबर आक्रमणं अमेरिकी कम्प्युटरयात सुरक्षा याये मागु धासें राष्ट्रपति डोनाल्ड ट्रम्पं राष्ट्रिय संकटकाल घोषणा यागु दु । ट्रम्पं छगु कार्यकारी आदेश जारी यासें राष्ट्रिय संकट घोषणा यागु खः ।
ट्रम्पया थुगु घोषणानापं अमेरिकी कम्पनीयात विदेशी टेलिकम सेवा छ्यलेतः प्रतिवन्ध यागु दु । ट्रम्पया कथं विदेशी टेलिकम सेवां राष्ट्रिय सुरक्षाय् खतरा जुई फुगु दु । राष्ट्रिय सुरक्षाय् खतरा जुइगु विदेशया गुगु टेलिकम सेवा खः धैगुबारे भाःसा ट्रम्पं स्पष्ट याना मदिँ । यद्यपि विश्लषकपिंसः चिनियाँ टेलिकम कम्पनी हुवावेप्रति शंका यागु दु । हुवावेया उत्पादनयात चीनं निगरानीया नितिं छ्यले फैगु अप्वः देँ नं आशंका यागु दु । टेलिकम उपकरण दय्केगु हलिंया दक्वः सिबे तःधंगु कम्पनी खः हुवावे । हुवावें धासाः थःत लगेयागु आरोपयातछ निराधार धया वयाच्वंगु दु ।
ह्वाउट हाउसया कथं ट्रम्पया थुगु आदेशया उद्देश्य अमेरिकायात विदेशी शत्रुपिनि पाखें बचेयायेगु खः । गुकिं सक्रिय रुपय् लगातार सूचना व सञ्चार प्रविधि सेवाया उपयोगपाखें गोप्य सूचना खुया च्वंगु खः ।