शिलापत्रं हलः भर्चुअल एजुकेसन फेयर

maitrinews

स्वनिगः । अनलाईनपाखें विद्यार्थीपिंत शैक्षिक संस्थाया भर्चुअल टुर याये मिलेजुइक शैक्षिक मेला नेपाल एडुफेयर डट कम सञ्चालन जुगु दु । शिलापत्र डट कमया आयोजनाय् कार्यान्वयय् हःगु नेपाल एडुफेयर डट कमया बारेय् पत्रकार सम्मेलनया आयोजना याना सूचँ ब्युगु खः । आयोजक शिलापत्र डटकमया पाखें इभेन्ट संयोजक सुरेश सिम्खडायम कथं नेपाल एडु फेयर डटकम लगईन याना कलेजया कक्षा कोठा, लाईब्रेरी, ल्याव, क्याफ्टेरिया, खेलकुद मैदान लगायतया भर्चुअल टुर याये ज्युगु तथा सम्वन्धित कलेजया मेनेजमेन्ट, काउन्सिलर व प्रिन्सिपलपिं नापं लाईभ च्याट याये ज्युगु ब्यवस्था दु ।
न्हापांगु चरणय् खुगु शैक्षिक संस्था सहभागि जुगु फेयर जेठ १० गतेनिसें १६ गतेतक्कः विशेषरुपय् सञ्चालन याइगु दु । जेठ १० गतेनिसें १६ गतेतक्कः सुथय् ९ बजेनिसें ५ बजेतक्कः नेपाल एडु फेयर डट कम भिजिट यायेत विद्यार्थी तथा अभिभाबकपिंसः कलेजया मेनेजमेन्ट, काउन्सिलर व प्रिन्सिपलनापं लाईभ च्याट याये दइगु ब्यवस्था दुगु आयोजकया भनाइ दु ।
जेठ १० गते निसें सञ्चालन जुइगु फेयरय् ग्लोवल कलेज ईन्टरनेसनल, युनिग्लोव कलेज, भ्याली भ्यू स्कुल, लिबर्टी कलेज नापं शैक्षिक संस्थापिनिगु सहभागिता जुइगु दु ।
नेपाल एडुफेयर डटकमय् कलेजसम्वन्धि सुचं नापं बिद्यार्थीपिंत करिअर काउन्सिलिङया थि थि सामाग्री समेत तयातगु दु ।
नेपाल एडुफेयर डटकमया ब्यवस्थापन मिटिङ प्वईन्ट प्रा.लिं यागु दु, अथेहे सहआयोजक नयाँ पत्रिका दैनिक जुगु दु ।