भारतीय नक्कली नोटनापं युनुस अन्सारीयात ज्वनः

maitrinews

स्वनिगः । त्रिभुवन अन्तर्राष्ट्रिय विमानस्थलं अप्वः परिमाणय् भारतीय नक्कली नोटनापं युनुस अन्सारी पक्राउ यागु दु ।
कतार एयरवेजं भारु नोट दुतहइपिं स्वम्हः पाकिस्तानी व नोट काःवपिं स्वम्हः नेपाःमिँ पक्राउ जुगु खः । विमानस्थल भन्सार कार्यालयया प्रमुख गजेन्द्र ठाकुरया कथं नेपाः नं प्रतिबन्ध यागु भारु २ हजारया नोट अप्वःगु मात्राय् बरामद जुगु दु । पक्राउ जुपिंमध्येः युनुस अन्सारी नं जुगु प्रहरीं धागु दु ।
भारतीय नक्कली नोट व लागुऔषध मुद्दाय् प्यदँ कैद सजाय भोगेयाना पिहाँवम्हः युनुस अन्सारीयात भारतीय नक्कली नोटसहित २०७० माघय् नख्खुं पक्राउ यागु खः । युनुस २०७० असोजय् केन्द्रीय कारागारं छुटेजुगु खः । केन्द्रीय कारागारदुने च्वंगु इलय् अन्सारीयात गोली प्रहार यागु खः।
युनुस पूर्वमन्त्री सलिम मियाँ अन्सारीया काय् खः । अन्सारी न्हापां २०६५ पुस १८ य् त्रिपुरेश्वरया ब्लुबर्ड होटलया कोठां २५ लाख ४४ हजार नक्कली भारुसहित पक्राउ जुगु खः ।