थौं देँ न्यंकया अदालत बन्द

maitrinews

स्वनिगः । पूर्वप्रधानन्यायाधीश नयनबहादुर खत्रीया निधनया शोकय् आइतबाः देँ न्यंकया अदालत बन्द जुइगु दु । सर्वोच्च अदालतया पूर्ण बैठकं देँ न्यंकया जिल्ला, उच्च, सर्वोच्च, विशेष अदालत तथा न्यायाधीकरणतः बन्द जुइगु निर्णय यागु खः ।
सर्वोच्चया मुख्य रजिस्ट्रार नृपध्वज निरौलां शनिबाः जारी यागु विज्ञप्तिं खत्रीया असामयिक निधनं न्याय, कानुन व मानव अधिकारया क्षेत्रय् अपूरणीय क्षति जुगु उल्लेख दु । सर्वोच्चया न्यायाधीश तथा प्रधानन्यायाधीशया रूपय् ताः इतक्कः सेवा यानादिम्हः खत्रीें स्वतन्त्र न्यायपालिकाया मूल्य व मान्यतायात स्थापित यासें समग्र न्यायपालिकाया श्रीवृद्धिया लागिं अतुलनीय योगदान ब्युगु धागु दु ।
खत्रीया शनिबाः पशुपति आर्यघाटय् अन्त्येष्टि यागु खः । बुधबाः ललितपुरस्थित मेडिसिटी अस्पतालय् वासm यायेगु झ्वलय् ९९ दँ दुम्हः खत्रीया निधन भएको जुगु खः । लिपांगु ई वय्कं अल्जाइमर्स रोगं पीडित जुयाच्वंगु खः ।