स्वनिगःया विस्फोटय् प्यम्हः सितः च्याम्हः घाःपा

maitrinews

स्वनिगः । लिपांगु ई आतंकवादी गतिविधि याना वःगु नेकपा माओवादी विप्लव समूहं आइतबाः विभिन्न थासय् विस्फोट यागुलिं प्यम्हः सिगु दु । विप्लव माओवादीं सुकेधारा, घट्टेकुलो, ग्वार्को व चन्द्रागिरीं बम विस्फोट यागु खः । विस्फोटय् लानाः करिव च्याम्हः घाःपा जुगु दु ।
सुकेघारास्थित छगु शैलुनय् व घट्टेकुलोस्थित छखाः छय् बिस्फोट जुगु खः । सुरुइ सिलिण्डर विस्फोट जुगु धागु निगु हे घटनाय् प्रतिबन्धित नेकपा विप्लव समूहया संलग्नता दुगु सिँदुगु दु । घट्टे कुलोय् सिलिण्डर बम काः वपिं व अन विस्फोट जुइधुंका बिस्युँ वया कोठाय् वपिं आएका न्हेम्हःसित प्रहरीं स्वविगःया कोटेश्वरं पक्राउ यागु दु । पक्राउ जुपिं भक्तपुर जिल्ला सेक्रेटरी बुद्धिलाल पुन, बुद्धि सुनुवार, तेजराज काफ्ले तेजबहादुर मोक्तान खः ।
पक्राउ जुपिनिगु कोठां विस्फोट यायेत तयारी अवस्थाय् दुगु कुकर बम लुःगु खः । इमितः सशस्त्र प्रहरीया विशेष टोलीं पक्राउ याना कोटेश्वर वृत्तया जिम्मा ब्युगु खः साः आ अनुसन्धान जुयाच्वंगु दु ।