आगामी आर्थिक वर्षया बजेट थौं वयगु

maitrinews

स्वनिगः । सरकारं थौं आगामी आर्थिक वर्षया बजेट सङ्घीय संसदय् पेश याइगु खः । संघीय संसद्या थौं ४ बजे च्वनिगु मंका बैठकय् अर्थमन्त्री डा युवराज खतिवडां आर्थिक वर्ष २०७६र७७ या बजेट पेस यानादिँ । नेपाःया संविधानय् हरेक वर्षया जेठ १५ गते अर्थात गणतन्त्र दिवसया दिँ बजेट प्रस्तुत यायेगु व्यवस्था दु ।
नेपाल कम्युनिस्ट पार्टी नेकपाया नेतृत्वय् सरकारं निक्वःगु बजेट प्रस्तुत याये त्यंगु खः। बजेटय् भौतिक पूर्वाधार, ऊर्जा, पर्यटन, कृषि क्षेत्रयात विशेष प्राथमिकताय् तःगु दु । बजेट च्वय्गु दक्वःतयारी क्वचागु अर्थ मन्त्रालयं जानकारी ब्युगु दु । करीब १५ खर्ब बराबरया बजेट हइगु राष्ट्रिय योजना आयोगं अर्थ मन्त्रालययात सीमा तोकेयागु दु ।
चालू आर्थिक वर्षय् ७ प्रतिशतया आर्थिक वृद्धि जुइगु प्रक्षेपण यागु सरकारं आगामी आवया बजेटयात अप्वः व्यवहारिक व कार्यान्वयमुखी दयेकेगु लक्ष्य तगु दु । आर्थिक समृद्धियात केन्द्रय् तयाः न्यहाँवगु सरकारं बजेटय् छुं न्हुगु व आकर्षक ज्याझ्वःसमेत तःगु धागु दु ।
चालू आवया नितिं रु १३ खर्ब १५ अर्ब १६ करोड १७ लाख बराबरया बजेट प्रस्तुत यागु खः । कूल विनियोजनमध्ये चालूपाखें रु आठ खर्ब ४५ अर्ब ४४ करोड ७५ लाख, पूँजीगतपाखें रु तीन खर्ब १३ अर्ब ९९ करोड ८२ लाख व वित्तीय व्यवस्थापाखें रु एक खर्ब ५५ अर्ब ७१ करोड ७० लाख विनियोजन यागु खः ।