प्रधानमन्त्री ओली छवाः ताःहाकगु युरोप भ्रमणय् झाँयादिगु

maitrinews

स्वनिगः । प्रधानमन्त्री केपी शर्मा ओली जेठ २५ गतेनिसें युरोप भ्रमणय् झाँयादिगु जुगु दु । प्रधानमन्त्री ओली छवाः ताःहाकगु युरोप भ्रमणया झ्वलय् स्विट्जरल्यान्ड, बेलायत व फ्रान्स वनिगु परराष्ट्र मन्त्रालयं धागु दु ।
प्रधानमन्त्री ओलीया युरोप भ्रमणबारे जानकारी बिइत आइतबाः जुगु पत्रकार सम्मेलनय् परराष्ट्रमन्त्री प्रदीपकुमार ज्ञवालीं प्रधानमन्त्री जेठ २५ गते स्विटजरल्याण्डया जेनेभाय् जुइगु अन्तर्रा्ष्ट्रिय श्रम संगठनया साधारणसभय् सहभागी जुइगु जानकारी बियादिल ।
उकिंलिपा जेठ २७ गते बेलायत थ्यंका अक्सफोर्ड विश्वविद्यालयय् संबोधन याइगु व नेपाली समुदायनापं भेटघाट याइगु ज्याझ्वः दु । अथेहे, जेठ २९ गते फ्रान्स झाँया प्रधानमन्त्रीं अन उच्च स्तरीय भेटघाट याइगु ज्याझ्वः दुगु परराष्ट्र मन्त्रालयं धागु दु ।
प्रधानमन्त्री ओली भ्रमण क्वचायेका असार १ गते नेपाः लिहाँ वइगु ज्याझ्वः दुगु परराष्ट्र मन्त्रालयं धागु दु ।