पशुपतिनाथ मन्दिरया अर्बौंया सम्पत्ति सार्वजनिक

maitrinews

स्वनिगः । पशुपति मन्दिरको अर्बौँ रुपैयाँ बराबरया चलअचल सम्पत्ति विवरण सार्वजनिक यागु दु ।
पशुपति क्षेत्र विकास कोषं मन्दिरया सम्पत्ति तथा गुठी जग्गाया विवरण सिकेत गठन यागु छानबिन समितिं उगु खँ पितहगु खः ।
पशुपति क्षेत्र विकास कोषया दाँभरिं अथेहे छानबिन समितिया संयोजक मिलन कुमार थापां पशुपतिया नामय् छगु अर्ब २९ करोड ३८ लाख ३१ हजार २१५ रुपैयाँ ५२ पैसा नगद नापं द्वछिँ ४४ दशमलभ ६४ ग्राम अर्थात् ८९ दशमलभ ५६ तोला लुँ व छगु लाख ४१ हजार एक सय २८ दशमलभ ७५ ग्राम९१२ हजार ९९ दशमलभ ७१ तोला० वह् जिन्सी सम्पत्ति दुगु विवरणनापंया प्रतिवेदन सार्वजनिक यात ।
बुधबाः येँ जुगु पत्रकार सम्मेलनय् वय्कनं पशुपति मन्दिरया अचल सम्पत्तिया रुपय् थि थि क्षेत्रय् याना करिब ६ हजार ७ सय रोपनीया हाराहारीं जग्गा दुगु नं जानकारी बियादिल ।
आःतक्क कोषय् दर्ता जुगु मन्दिरया संरक्षण तथा गुठीया जग्गा ३ हजार ६ सय ६७ रोपनी, ४ आना ३ दाम९३६६७–४–३–०० दुगु व २३१ रोपनी १० आना एक पैसा ९२३१–१०–०–१० दर्ता जु्ई बाँकी दुगु प्रतिवेदनं क्यंगु दु ।
थुकिं अलवा पशुपति विकास कोषया ११६१ रोपनी १४ आना ३ दाम क्षेत्रफलया जग्गा त्रिभूवन अन्तर्रा्ष्ट्रिय विमानस्थल व गल्फ कोर्षयात ९९ दँया नितिं बालँ ब्युगु भागु दु ।
अथेहे कोषया करिब १७ रोपनी जग्गा मोहीया रुपय् तारागाउँ रिजेन्सी होटलं भोगचलन यानाच्वंगु समेत प्रतिवेदनं क्यंगु दु ।
थ्वः बाहेक अझनँ मन्दिरया सम्पत्ति सुचुका तगु जुईफुगु व व्यक्ति विशेषं थः योथे भोगचलन यानाच्वंगु जुईफुगु धासें कोषं थजागु सम्पत्ति मालेगु ज्या जुयाच्वंगु पत्रकार सम्मेलनय् धाःगु दु ।
अथेहे, कोषं पशुपति मन्दिरया मुख्य ढुकुटी आःतक्क खोलेमयागु व उगु ढुकुटीं अर्बौ÷खर्बौया सम्पत्ति दयेफुगु धागु दु ।
कोषं नेपाल सरकारया ग्वाहाली व थःगु कोषया सम्पत्ति परिचालनय् पशुपति मन्दिरया विकास निर्माण, मर्मत सम्भार तथा थि थि मेला, जात्राया व्यवस्थापन याना वगु धागु दु ।
कोषं विस २०७४ कात्र्तिक ६ गतेया निर्णय कथं कात्र्तिक १६ गतेनिसें सम्पत्ति अध्ययन तथा छानविन शुरु जुगु खः ।
समितिया कथं उगु विवरण विक्रम संवत २०१९ सालनिसें २०७५ सालतक्कःया खः । थापां विक्रम संवत २०१९ साल स्वयाँ न्हयो विवरण प्राप्त जुई मफुगु धागु दु ।