लोकसवा आयोगप्रतिया जनविश्वासयात कायम याये फयेकेमा ः राष्ट्रपति

maitrinews

येँ । राष्ट्रपति विद्यादेवी भण्डारीं योग्य, निष्पक्ष व स्वच्छ प्रतिस्पर्धापाखें आवश्यक जनशक्ति सिफारिस याना वःगु लोकसेवा आयोगया प्रशंसा यानादिँगु दु ।
आयोगया ६९ औं बार्षिकोत्सवया अवसरमा थौं येँ जुगु समारोहय् राष्ट्रपति भण्डारीं आयोगया जनविस्वासयात भविष्यय् नापं कायम याये फयेक थःगु कार्यसम्पादनयात अझ परिस्कृत यायेगुलिं थः विस्वस्त जुगु धयादिँलः ।
वय्कलं लोकसेवा आयोगया साखः व गरिमा कायम यायोत सरकारनापं मेमेंगु सम्बद्ध निकायया ग्वाहाली व समन्वय दइगु विस्वास व्यक्त यानादिँलः ।
राष्ट्रपति भण्डारीं सरकारया न्याय, समानता व शोषणरहित समृद्ध नेपाः निर्माणया
राष्ट्रिय संकल्प पूरा यायेत लोकसेवा आयोगया भूमिका महत्वपूर्ण जुइगु धयादिँलः । ।
आयोगया नायः उमेशप्रसाद मैनालीं योग्यता, निष्पक्षता व स्वच्छताया मूल मर्म कथं आयोगं कार्यसम्पादन यानाच्वंगु स्पष्ट यानादिँलः । वय्कलं लिपाँगु ई आयोगया जनविस्वासया जग कमजोर यायेगु प्रयास जुया च्वंगु धासें थुगु विषय दक्वः पक्ष गम्भीर जुईमागु धयादिँलः ।
सचिव महेन्द्रप्रसाद गुरागाईं आयोगं संबैधानिक जिम्मेबारी कथं योग्यता, निष्पक्षता व स्वच्छताया आधारित विधि व प्रक्रियापाखें आयोगं थःगु जिम्मेबारी पूरा याना च्वंगु धयादिँलः ।