पेट्रोलियम पदार्थया मूः म्ह्वः जुल

maitrinews

येँ । नेपाल आयल निगमं पेट्रोलियम पदार्थया मूः म्ह्वः यागु दु । निगमं पेट्रोल, डिजेल व मट्टितेलया मूः म्ह्वः यागु खः । न्हुँगु मूः सूची कथं पेट्रोल, डिजेल व मट्टितेल स्वथिंया प्रतिलिटर नितकाँ दरं मूः म्ह्वः यागु निगमं धागु दु ।
थुगु मूः आइतबाः चाँन्हें १२ बजेनिसें लागू जुगु खः । म्ह्वः जुगु मूः कथं आः पेट्रोल प्रतिलिटर १०८ रुपैयाँ, डिजेल व मट्टीतेलया प्रतिलिटर ९६ रुपैयाँ ५० पैसा जुइगु खः ।
इण्डियन आयल कर्पोरेशनपाखें वःगु न्हुँगु मूःया सूचीकथं समायोजन यागु निगमं धागु दु ।
हवाइ इन्धन, व एलपी ग्यासया मूः धासाः यथावत जुगु आयल निगमं धागु दु ।