प्रस्तावित प्यंगु देँया राजदूतविरूद्ध उजुरी आह्वान

maitrinews

स्वनिगः । संसदीय सुनुवाइ विशेष समितिं सरकारपाखें प्रस्तावित थि थि प्यंगु देँया राजदूतया सुनुवाइ प्रक्रिया न्ह्याकुगु दु ।
समितिया बुधबाः सिंहदरबारय् च्वंगु बैठकं सरकारपाखें प्रस्तावित राजदूतपिं अस्ट्रेलियाया नितिं महेश दहाल, कतारया नितिं नारद भारद्वाज, स्पेनया नितिं दावाफुटी शेर्पा व बंगलादेशया नितिं डा वंशीधर मिश्रया सुनुवाइया लागिं उजुरी आह्वान यायोगु निर्णय यागु खः ।
सरकारपाखें प्रस्तावित प्यंगु देँया राजदूतपिनिगु सुनुवाइया नितिं उजुरी आह्वान यायेगु निर्णय यागु समितिया सभापति लक्ष्मणलाल कर्णं जानकारी बियादिँलः ।
समितिं प्रस्तावित राजदूतपिनितः १० दिँतक्कः उजुरी आह्वानया नितिं म्याद बिइगु संवैधानिक व्यवस्था दु । उकिंलिपाः उगु उजुरीं छानबिन याना प्रस्तावित राजदूतपिनिगु सुनुवाइ जुइगु खः ।
समितिं राजदूतय् प्रस्तावितपिनिगु नाँ अनुमोदन यायेधुंका राष्ट्रपतिं वय्कपिनितः नियुक्त यायेगु संवैधानिक व्यवस्था दु ।