येँ मिसाःपिंत शृङ्खलाबद्ध ‘सिरिन्ज’ आक्रमण

maitrinews

येँ । लिपांगु लत्याँया दुने येँया डल्लु क्षेत्रया प्यम्हः मिसाःपिंत ‘सिरिन्ज’ आक्रमण जुगु दु । छगु घटना डेढ लत्याँ न्ह्यो जुसां लिपांगु छुं दिँ उजागु प्रकृतिया स्वंगु घटना हाकनं जुगु दु । सिरिन्ज आक्रमणय् लापिं लाँपिं प्यम्हः मिसाःपिं वासःया नितिं वःगु टेकुया शुक्रराज ट्रपिकल तथा सरुवा रोग अस्पतालया सरुवारोग विशेषज्ञ डा. अनुप बाँस्तोलां धयादिँल । इपिं प्यम्हःसियाः जेँ काटाँ कोपे यागु थेँ प्वाः दुगु व सहायाये मफयेक पीडा जुयाच्वंगु वय्मलं धयादिँल ।
‘गुडे जुयाच्वंगु मोटरसाइकलं सिरिन्ज आक्रमण यागु पीडितपिसं धागु दु । सकसियाँ जँया भागय् प्वाः दु, छेंगुया दुनेतक्कः ही वइगु याना घाः जुगु दु,’ डा. बाँस्तोलां धयादिँल, ‘चान्हेंया ईले छेँपिने आक्रमण जुगु पीडितपिसं धागु दु । घटनाबारे प्यम्हःसियाँ धापू छगु हे च्वः,’ डा। बाँस्तोलां धयादिँल  । एचआइभी तथा हेपाटाइटिस बी व सी संक्रमित सिरिन्ज प्रहार यागु जुई फुगु चिकित्सकपिनिगु आशंका दु । एचआइभी, हेपाटाइटिस ‘बी’ व ‘सी’ थेँ जाँगु रोग सिरिन्जया माध्यमं मेंपिंके सरे जुई फुः । तर, इकिमें थुगु ल्वय्या संक्रमण जुगु मजुगु रिपोर्ट वयेत कवि स्वलाँ मालिगु डा। बाँस्तोलाले धयादिँलः । आः प्यम्हःसिगु स्वास्थ्य सामान्य दु । इपिं २० निसें ३० दँयापिं खः ।
प्रहरीं अनुसन्धान न्ह्याकल
प्रहरी अनुसन्धानय् मिसाःपिंसः सिरिन्ज वा मेंमेगु धातुं प्रहार यागु धैगु अझै यकिन जुगु मदु । ‘पीडितया उजुरीकथं अनुसन्धान जुयाच्वंगु दु,’ महानगरीय प्रहरी कार्यालयया प्रवक्ता एसएसपी किरण बज्राचार्यं धयादिँलः, ‘सिसिटिभीया समेत ग्वाहालीं अभियुक्तपिनिगु पहिचान यायेगु ज्या जुया च्वंगु दु ।’