पेट्रोलियम पाइप लाइनया परीक्षण क्वचालः

maitrinews

स्वनिगः । नेपाः भारत निगु हे सरकारया प्राथमिकताय् दुगु भारतया मोतिहारीनिसें बाराया अमलेखगञ्जतक्कः पेट्रोलियम पाइपलाइन जमीनतँले तयेगु ज्याः पूर्णरुपं सम्पन्न जुया परीक्षण जुगु खः । परीक्षण क्वचागु नापं असारया अन्त्यतक्कःय् सञ्चालनय् वइगु पाइपलाइन विस्तार आयोजनां धागु दु ।
भारतया मोतिहारीनिसें रक्सौल अमलेखगञ्जतक्कः नेपाः भारत अन्तरदेशीय पेट्रोलियम पाइपलाइनया सफल परीक्षण जुइधुंका प्राविधिकं थ्वहे महिनादुने उगु पाइपलाइन सञ्चालनय् वये फुगु आँकलन यागु दु । परीक्षणया भ्वःलय् नेपाल आयल निगम व इण्डियन आयाल कर्पोरेशनया प्राविधिकया मंका टोलीं भारतया मोतिहारीनिसें उगु पाइपलाइनय् लः छ्वया यागु परीक्षण सफल जुसेंलि आः याकनं हे उगु पाइपलाइन सञ्चालनय् वइगु परियोजना कार्यालय सिमरां धागु दु ।
नेपाःया लाइफ लाइनया रुपय् दुगु भारतया मोतिहारीनिसें अमलेखगञ्जतक्कः ७० दशमलव २ किलोमिटर लम्बाइया उगु पाइप लाइन लायेगु ज्या पूर्णरुपं सम्पन्न जुया पाइपपाखें छ्वगु लःया प्रेसर बाराया अमलेखगञ्जतक्कः सफलरुपं वःगलिुं परीक्षण सफल जुगु प्राविधिकं धागु दु ।