थौं असार १५, धान दिवस

maitrinews

स्वनिगः । माना पिनाँ मुरी उब्जेयायेयु’ महिनाया मध्य अर्थात् असार १५ गतेया दिँ थौं नेपाः देँन्यंकः धान दिवस, मानेयाना च्वंगु दु ।

नेपाः नं २०६२ सालनिसें असार १५ यात धान दिवसया रुपय् मानेयाना वःगु खः । कृषि विभाग अन्र्तगत गठन जुगु १६ औं राष्ट्रिय धान दिवस तथा रोपाई महोत्सव, मूल आयोजक समितिं बर्दियाय् धान दिवसया विशेष ज्याभ्वः समेत आयोजना यागु दु ।

थुगु बर्ष धान दिवसया नारा ‘वाः खेतीई प्रविधि व यान्त्रिकीकरण, जाकिँ आयातय् न्यूनीकरण’ तय यागु दु । कृषि विभागया कथं नेपाःलय् करिब १४ लाख हेक्टर जमिनय् ४७ लाख मेट्रिक टन वाः उत्पादन जुया च्वंगु दु । तराईले जक करिब ७० प्रतिशत, पहाडी क्षेत्रय् २६ प्रतिशत व हिमाली क्षेत्रय् ४ प्रतिशत जमिनय् वाः पिगु खः ।

थौं या दिँ किसानपिंसः शक्ति प्राप्तिया लागिं धौं बजिँ नइगु खः । थुगु इलय् धौं बजिं शरीरय् शीतलता बिएगु व शक्ति सञ्चय जुइगु विश्वास दु । असार १५ यात नेपाली समाजय् धौं बजिँ नयेगु पर्वया रुपय् नं काइगु खः । खेतीपाती बाहेक मेंगु पेसा व व्यवसाय याइपिसं नं थौं धौं बजिँ नयाः असार १५ मानेयायेगु खः ।