चीनयात हङकङ हस्तान्तरण यागु २२ औं वर्षगाँठ

maitrinews

हङकङ । चीनयात हङकङ हस्तान्तरण यागु २२ औं वर्षगाँठ हनाच्वंगु इलय् हङकङय् प्रदर्शनकारीपिं व प्रहरी दथुई ल्वापु जुगु दु ।
हङकङया प्रमुख कार्यकारी क्यारी लाम झण्डोत्तोलन समारोहले सहभागी जुयाच्वंगु क्षेत्रय् दङ्गा प्रहरी परिचालन यागु खः ।
प्रहरीं प्रदर्शनकारीयात तितरबितर यायेत पीपर स्प्रे अर्थात् मिखाँ पालुइगु रसायन प्रयोग यागु खः ।
थुकिं न्हाँपा हङकङय् द्धलँद्धः बेइजिङ समर्थक प्रदर्शनकारीपिं नं प्रहरीया समर्थनय् र्यालीं सहभागी जुगु खः ।
लच्छी न्ह्योनिसें सुपुर्दगी सम्बन्धी छगु विधेयकया विरोधय् प्रदर्शनकारीपिंसः शहरय् प्रदर्शन याना च्वंगु खः ।
संदिग्धपिंत अभियोजनया नितिं मुख्यभूमि चीन छ्वय् फुगु प्रस्तावित व्यवस्थाया विरोधय् अन आःतक्कःया निगु तधंगु र्याली आयोजना जुगु खः ।