त्रिभुवन अन्तर्रा्ष्ट्रिय विमानस्थल थौंनिसें दैनिक २१ घण्टा सञ्चालन जुइगु

maitrinews

स्वनिगः । त्रिभुवन विमानस्थल थौंनिसें २१ घण्टा सञ्चालनय् वइगु जुगु दु । स्वलाः न्ह्योनिसें दैनिक १० घण्टा बन्द जुया वःगु त्रिभुवन अन्तर्रा्ष्ट्रिय विमानस्थल थौंनिसें पूर्ववत् रूपय् सञ्चालनय् वःगु अधिकारीपिंसँ धागु दु ।
३००० मिटर ताःहाकगु धावनमार्गय् न्हुगु कालोपत्र यायेगु ज्या क्वचाथुलिं दैनिक २१ घण्टा हे विमानस्थल सञ्चालनय् हःगु वय्कपिनि धापु खः ।
विमान ब्वईगु न्ह्यो छ्योलिगु मार्ग व विमानस्थल दुनेया लँया निर्माणया ज्या धासाः निलाँ लिपा सुरु जुई ।
करिव ४० दँलिपा देँया छगु जक अन्तर्रा्ष्ट्रिय विमानस्थलया उगु धावनमार्गय् न्हुगु कालोपत्रे यायेगु धासें स्वलाँया नितिं विमानस्थल १० घण्टा बन्द यागु खः ।