साझा यातायातयात अशोक लेलैण्डपाखें २० थान बस हस्तान्तरण

maitrinews

स्वनिगः । आइ.एम.ई. ग्रुप अन्तर्गत संचालित आइएमई मोटर्स प्रा.लि. पाखें प्रवद्र्धित अशोक लेलैण्डं ताःहागु प्रतीक्षा लिपा वातावरणमैत्री यूरो–४ मापदण्डया २० थान लाइनेक्स स्मार्ट , सहरी बसया हस्तान्तरण नेपाःलय् बिक्रि वितरणया सुरुवात येँया छगु ज्याभ्वः पाखें साझा यातायातयात हस्तान्तरण यागु दु ।
थि थि अद्वितीय विशेषता दुगु थुगु बसया डिजाइन यानातगु दु । गुकिं आधुनिक टेक्नोलोजिपाखें डिजाइन व प्रमाणित यानातगु खः, नापं अनिवार्य मापदण्ड स्वयाँ अतिरिक्त सुरक्षा प्रदान याई । लाइनेक्स स्माटया विशेषताया रुपय् इन्जिनय् छगु समकालीन –४ सिलिण्डर सीआरएस् डीजल गुगु इनिआर टेक्नोलोजीनापं टर्बो चार्ज यानातगु इन्टरकुलर दु । अधिकतम ९०० मिमी फ्लोर उचाइ, १३० एचपी (९५ पध्) को अधिकतम शक्ति २ द्दद्धण्ण् चऊ, सेमी इलिप्टिकल मल्टिलिफ नापं शक अब्जर्बर, ११५ लिटर ईन्धन टैंक क्षमता दुगु खः ।
ऐतिहासिक रुपय्, अशोक लेलैण्डं न्हुगु, यात्री मैत्री बस समाधानया सफलतापूर्वक वितरण यागु खः । लाइनेक्स स्मार्ट बसया थुगु परम्परागत छगु निरंतरता खः । हिन्दुजा ग्रुप अन्तर्गत अशोक लेलैण्ड भारतीय उत्पादक कम्पनी खः । थुकिंया भारतया चेन्नाईले मुख्यालय दु । अशोक लेलैण्ड १९४८ य् स्थापित कम्पनी व्यवसायीक वाहनय् भारतया निगुगु तःधंगु उत्पादक कम्पनी खः । नमपं ट्रक टिपर उत्पादकय् हलिंया १२ औं तःधंगु उत्पादक खः । अशोक लेलैण्डय् यात्री परिवहनया १८ सिट निसें ८० सिट क्षमताया थि थि बस दु । थुगु बसया बजारय् तःधंगु पकड दु । अशोक लेलैण्डया मालवहाक वर्गय् २.५ टन निसें ४९ टन तक्कःया विकल्प उपलब्ध दु ।
आइएमई मोटर्स प्रा. लि. नेपाःया नितिं अशोक लेलैण्ड कमर्सियल गाडीया आधिकारिक बिक्रेता खः । नेपाःया न्यंकः थःगु शाखा तथा डिलरया सेल्स, सर्भिस व पार्ट्स नेटवर्क पाखें आइएमई मोटर्सं ग्राहकयात अःपुगु तरिकां सेवा प्रबाह याना वयाच्वंगु दु । युवा, सक्षम व उर्जावान जनशक्तिया नापं आइएमई मोटर्स प्रा लि नेपालउ् महत्वपुर्ण अटोमोबाइल कम्पनीया रुपं न्ह्यावना च्वंगु दु ।