काँग्रेसपाखें संसद् बैठक अवरुद्ध

maitrinews

स्वनगः । कार्यव्यवस्था परामर्श समितिया बैठकय् सहमति मजुया प्रमुख प्रतिपक्षी दल नेपाली काँग्रेसं थौं नं संसद बैठक अवरुद्ध यागु दु । बुधबाःया लागिं सँतुगु बैठकय् मंगलबाः तगु हे माग याना हाकनं संसद बैठक अवरुद्ध यागु खः ।
सरकारं प्रतिबन्ध यागु नेत्रविक्रम चन्द ‘विप्लव’ नेतृत्वया नेकपाया नेतायात जुगु ईन्काउन्टरया छानविनया लागिं संसदीय समिति गठन यायेमागु माग यासें काँग्रेस व राजपां विरोध यागु खः । पटक पटक गृहमन्त्रीयात संसदय् ह्यसँ यासाः नं गृहमन्त्रीपाखें चित्तबुझ्दो जवाफ मवगुलिं काँग्रेस नेतापिसं छानविन यायेत माग यागु खः । मंगलबाः नं समिति गठन मजुतलेया लागिं संसद चले याये मबिगु अडान यासें बैठक अबरुद्ध यागु खः । नेकपाया नेता कुमार पौडेल ‘इन्काउन्टर’या छानबिनका विषयले कार्यव्यवस्था परामर्श समितिया सत्तापक्ष व प्रतिपक्षया दथुई सहमति मजुसेंलि १ घण्टा लिपालाक संसद बैठक च्वंगु खः ।
संसदय् सभामुख महरां न्हुगु खँ न्यंकेगु धासें पटक पटक प्रतिपक्षी सांसदयात फयेतुइत इनाप यागु खः । दँना विरोध यापिं प्रतिपक्षी सांसदपिं फयेतुईधुंका जक न्हुगु खँ न्यंकेगु धासें प्रतिपक्षी सांसदयात फयेतुइत इनाप यागु खः । तर, सभामुखया न्हुगु खँ न्यंकेत काँग्रेस सांसदपिंस मानेमजुसेंलि सभामुखं संसदया कारबाही जवर्जस्ती न्ह्याकुगु खः । प्रतिपक्षीया विरोधया बाबजुद सभामुख कृष्णबहादुर महरां बैठक न्ह्याके धुंका संसदय् काँग्रेस सांसदपिंस रोष्टम घेरेयागु खः । काँग्रेसया नाराबाजीया बाबजुद कारबाही न्ह्याकुम्हः महरां वइगु ३० गतेतक्कया लागिं बैठक स्थगित यागु दु ।