साङ्ग्रिला होटल न्ह्योने कारया ठक्करं स्कुटर चालक सित, छम्हः घाःपा

maitrinews

स्वनिगः । येँ महानगरपालिया–२६ लाजिम्पाट साङ्ग्रिला होटल न्हने कारया ठक्करं स्कुटर चालक सिगु दु ।
बिहिबाः सुथय् २ बजे जमल–लैनचौर जुया महाराजगञ्जपाखेँ वनाच्वंगु बा ९३ प २०५० नम्बरया स्कुटरयात ह्यांगु रङया कारं ठक्कर बिया स्कुटर चालक भीमबहादुर गुरुङ सिगु खः । दुर्घटनाय् स्याङ्जा पुतलीबजारया सन्तोष घर्ती गम्भीर घाःपा जुगु दु ।
महानगरीय प्रहरी वृत्त लैनचौरया प्रमुख, प्रहरी नायब उपरीक्षक सन्तोषसिंह राठौरं तीव्र गतिई वगु कारं स्कुटरयात ठक्कर ब्युगुलिं गुरुङ घटनास्थल हे सिगु जानकारी बियादिँलः ।
घाःपा जुम्हः घर्तीया त्रिभुवन शिक्षण अस्पताल महाराजगञ्जय् वासः जुई मफुसेलिं भेनस अस्पताल मध्यबानेश्वर छ्वगु व उगु थासय् नं वासः जुई मफसेलिं आः दीर्घायु अस्पताल चाबहिलय् वासः जुयाच्वंगु राठौरं धयादिँल ।
दुर्घटना याना फरार जुम्हः कार चालकयात मालाच्वंगु प्रहरीं धागु दु ।