कोशी ब्यारेजया न्येखुगुंहे खापाः चायेकल

maitrinews

विराटनगर । सप्तकोशी खुसिँया ब्यारेजय् आः दक्वं न्येखुगुंहे खापाः चायेकगु दु । मद्धिक्क वाः वया सप्तकोशी खुसिँइ लः अप्वःया दक्वं खापाः चायेकगु ब्यारेज प्रहरी चौकी कार्यालयया प्रमुख ईश्वर दाहालं जानकारी बियादिँलः ।
खुसिँइ लः अप्वःगुलिं छगु धुंका मेंगु खापा चायेकत ब्यारेजय् २४ सै घण्टा प्राविधिकनापंया कर्मचारी तैनाथ दगु सहायक प्रहरी निरीक्षक दाहालं धयादिँल । गुगु लख क्यूसेक लःया क्षमता दुगु ब्यारेजय् आः निगु लख व गुइद्वः क्यूसेक लः बहेजुया च्वंगु धागु दु । म्हिग शनिबाः स्वंगु लख झिन्च्याद्वः, ६५० क्यूसेक लः बहेजुयाच्वंगु दु ।
थुगु दँय् सप्तकोशीय् २४००० क्यूसेक लः अप्वःया उगु क्षमताय् बगेजुया च्वंगु खः । छगु दशक न्ह्यो ब्यारेजं च्वय् सिरान पश्चिम कुशहाय् बाँध तःज्यागु खः । बाँध तःज्याना नेपाः व भारतय् यक्वः जनधनया क्षति जुगु कारणं अँः कोशी ब्यारेज व बाँधयात सुरक्षित यायेत प्राविधिकपिसं विशेष सतर्कता यानाच्वंगु दु । ताःया बिम थिंत्यंगु अवस्थाय् ताःया खापा चायेकेगु यागु धागु दु ।