खुसिँबा व चलः या कारणं सिपिं ४३ थ्यन, २४ तनः

maitrinews

स्वनिगः । मद्धिक्क वाः वया देँया थि थि थासय् वगु खुसिँबा व चलः या कारणं डुबानय् लाना ४३ म्हः सिगु दु ।
खुसिँबा व चलःलय् २० म्हः घाःपा जुगु दुसाः २४ म्हः तनाच्वंगु प्रहरी प्रधान कार्यालयया प्रहरी उपरीक्षक रमेश थापां जानकारी बियादिँलः । वय्कया कथं आःतक्क देँ न्यंक याना ४३ म्हः सिगु पुष्टि जुगु राससयात जानकारी बियादिँलः । अनःतक्क झिन्छसँ व प्यम्हःसिया उद्धार यागु दु । थुगु समाचार तयार यागु इलेतक्क यलय् व भोजपुरय् न्याँम्हः– न्याँम्हः, मकवानपुरय् प्यम्हः, येँ, खोटाङ ,ओखलढुङ्गा व काभ्रेय् स्वम्हः–स्वम्हः, धादिङ, झापा, सिन्धुलीं निम्हः–निम्ह अथेहे पाल्पा, पर्सा, रामेछाप, ईलाम, सुनसरी, बारा, रौतहट, सिराहा, धनुषा, चितवन व डोल्पाय् छम्हः–छँम्हः सिगु प्रहरीें जानकारी ब्युगु दु ।
सिपिंमध्ये १८ म्हः मिसाः व २५ म्हः मिजः जुगु धागु दु । खुसिँबा व चलःलय् लाना मकवानपुरय् प्यम्हः, धनकुटाय्स्वम्हः, भोजपुर, सुनसरी, काभ्रे व सिन्धुलीं निम्हः–निम्हः , खोटाङ, धादिङ, चितवन, दोलखा व रामेछापमा छम्हः–छँम्हः याना २० म्हः घाःपा जुगु दु । अथेहे, सिन्धुली खुम्हः, इलाम व मोरङ्गय् स्वम्हः–स्वम्हः, पाँचथर, झापा, उदयपुर, सुनसरी, पर्सा, रौतहट, महोत्तरी, सिराहा, धनुषा, धादिङ, येँ व यलय् छम्हः–छँम्हः याना २४ म्हः तनाच्वंगु दु । सुरक्षाकर्मीं आः नं उद्धार यानाच्वंगु धागु दु ।