सेरेनायमत बुकाः सिमोनां त्याकलः विम्बल्डन टेनिसया उपाधि

maitrinews

स्वनिगः । विम्बल्डन टेनिसया उपाधि रोमानियन कासाःमिँ सिमोना हालेपं त्याकुगु दु । शनिबाः जुगु फाइनलय् अमेरिकन रेकर्डहोल्डर सेरेना विलियम्सयात पराजित यासें पूर्व विश्व नम्बर १ सिमोनां उपाधि त्याकुगु खः ।
न्हापांगु विम्बल्डनया उपाधि त्याकुम्हः सिमोनां सेरेनायात ६–२ व ६–२ या सेटय् पराजित यात । सेरेनाविरुद्ध त्याकेत हालेपं ५६ मिनेटया ई कालः ।
सिमोना विम्बल्डन टेनिसया उपाधि त्याकुम्हः न्हापांम्हः रोमानियन कासाःमिँया रेकर्डसमेत दयेकुगु दु ।
सिमोनां निगुगु ग्राण्डस्लाम उपाधि त्याकुगु खः ।
२३ गु ग्राण्डस्लाम त्याकुम्हः ३७ वर्षीया सेरेनां थुगुखुसिं अष्ट्रेलियन कासाःमिँ मार्गरेट कोर्टं दयेकुगु २४ ग्राण्डस्लामया रेकर्ड बराबरी याये मफुत ।
तर सेरेना दकले अप्वः दँया फाइनलिष्टया रेकर्ड धासाः दयेके मफुत ।