कम्युनिस्ट व समाजवाद यःपिं अमेरिका तोतेत ट्रम्पया चेतावनी

maitrinews

स्वनिगः । समाजवादी व साम्यवादीपिंत अमेरिका तोतेत चुनौति ब्युसें यागु ट्वीटं अमेरिकी राष्ट्रपति डोनाल्ड ट्रम्प हाकनं विवादय् वगु दु । वय्कलं खुला सिमानाया पक्षय् न्ववापिं डेमोक्रेटिक पार्टीप्रति समेत छकोलं प्रहार यागु दु ।
ट्रम्पं मंगलबाः छकलँ स्वक्वः ट्वीट यासें अमेरिका गबले नं समाजवादी व कम्युनिस्ट जुई मफुगु धयादिँगु दु । वय्कलं थुकिं खुसी जुई मफुपिं अमेरिका तोते फुगु विकल्प दुगु धासें वः इमिसँ थम्हः हे ल्यमागु धागु दु ।
छुं व्यक्तिं अमेरिकायात घृणा यानाच्वंगु धासें ट्रम्पं उजापिं व्यक्ति इजरायल विरोधी, अलकायदा समर्थक जुगु धागु दु । वय्कलं वामपन्थी डेमोक्र्याटपिसं खुला सिमाना चाहेजुगु व उकिं लागू पदार्थ, अपराध व मानव बेचबिखन थेजागु ज्यायात प्रोत्साहन बिगु आरोप लगेयागु दु ।
अमेरिका आःथेँ गबले बःमलागु दावी यासें वय्कलं सैनिक शक्तिया पुनर्गठन, आःतक्कयाहे उच्च स्टक मार्केट, दकले म्ह्वः बेरोजगारी कायम यायेत सफल जुगु दावीसमेत यागु दु ।