थौं खण्डग्रास चन्द्रग्रहण

maitrinews

स्वनिगः । थौं चाँन्हें खण्डग्रास चन्द्रग्रहण जुईत्यंगु दु । चन्द्रग्रहण चान्हें १ बजे जुया ४६ मिनेटनिसें ४ बजे जुया ४४ मिनेटतक्क जुइगु धागु दु ।

मौसम अनुकूल जुसाः नेपाःलय् १ बजे जुया ४६ मिनेटपाखें खण्डग्रास चन्द्र ग्रहण खँनेदैगु खः । १ बजे जुया ४६ मिनेटय् सुरु जुइगु ग्रहण चान्हें ३ बजे जुया १५ मिनेटय् मध्य व सुथय् ४ बजे जुया ४४ मिनेटय् सिँधएगु खः । सूर्य तथा चन्द्रया दथुई पृथ्वी लाइगु इलय् चन्द्रग्रहण जुइगु खः ।

चन्द्रग्रहण अवलोकन याये न्ह्यापिं निर्धक्क जुया थःगु छेँ वा छेँ लिक्क च्वंगु खुल्ला खेलँ थःथु हे मिखाँ अवलोकन याये फई ।

मध्य मनसुनया मौसमय् थौं चान्हें आकाश खुलेजुइगु सम्भावना म्ह्वः जुगु जल तथा मौसम पूर्वानुमान महाशाखां धागु दु । देँ न्यंकः सामान्यनिसें पूर्ण बदली जुया देँया छुं छुं थासय् वाः वइगु सम्भावना दुगु धागु दु ।