मनसुनलिपाया विपद्पाखें सच्छिँ व झिन्छम्हः सित, पिँम्हः बेपत्ता

maitrinews

स्वनिगः । मनसुनलिपाया विपद्या कारणं देँन्यंक सच्ँिछ व झिन्छम्हःसिनं ज्यान गुमेयागु दु । गृहमन्त्रालयया राष्ट्रिय आपत्कालीन कार्य सञ्चालन केन्द्रं बिहीबाः सार्वजनिक यागु विवरण कथं विपदय् लाना पिँम्हः बेपत्ता जुगु दु धासाः ६७ म्हः घाःपा जुगु दु ।
सिपिं दकले अप्वः गुल्मीया झिन्स्वम्हः दु । अथेहे खुसिंबाया कारणं रौतहटय् भिम्हः सिगु केन्द्रया प्रमुख वेदनिधि खनालं जानकारी बियादिँलः । वय्कया कथं आःतक्क दकले अप्वः खुसिंबाया कारणं ५८ म्हः सिनं जनाले ज्यान गुमेयागु दु । चलःपाखें ४५ व मद्धिक्क वाः वगु कारणं च्याक्हः सिगु दु । आःतक्क खुसिंबा नं १२८ घटना जुगु दुसाः चलःया २०८ घटना जुगु केन्द्रं धागु दु ।
खुसिंबाया कारणं ३१ म्हः अथेहे चलःखय् लाना गुम्हः बेपत्ता जुगु दु । आःतक्क खुसिंबाया कारणं छगु अर्बस्वयाँ अप्वः क्षति जुगु दु । अथेहे, चलखँ निगु करोड स्वयाँ अप्वः क्षति जुगु दु । खुसिंबा, चलः व डुवानं ६४ जिल्ला प्रभावित जुगु दु । दकले अप्वः गुल्मीं चलःया कारण झिन्स्वम्हः व रौतहटय् खुसिंबा व डुबानया कारणं झिम्हः सिगु दु ।
सिराहाय् न्हेम्हः व यलःय् खुम्हःसिनं ज्यान गुमेयागु दु । सिन्धुली, धनुषा, मकवानपुर व भोजपुरय् न्याम्हः÷न्याम्ह तथा महोत्तरी, मोरङ, ओखलढुङ्गा, लमजुङ व डोल्पाय् प्यम्हः÷प्यम्हः सिगु दु । खुसिंबा व चलखँ काठमाडौँ, पर्सा, खोटाङ, झापा, काभ्रेपलाञ्चोकय् स्वम्हः÷स्वम्हः, सुनसरी, धादिङ, दाङ व बाराय् निम्हः÷निम्हः सिगु दु । उदयपुर, पाँचथर, सङ्खुवासभा, इलाम, सर्लाही, रामेछाप, सिन्धुपाल्चोक, पश्चिम नवलपरासी, बाग्लुङ, पाल्पा, कपिलवस्तु व रोल्पाय् छम्हः÷छम्हः सिगु केन्द्रं धागु दु ।
खुसिंबा व चलखँ लाना ४० म्हः बेपत्ता जुगु दु । डोल्पाय् न्हेम्हः व लमजुङय् आःनं खुम्हः तनाच्वंगु दु । सिन्धुलीं प्यम्हः, इलाम व मोरङय् स्वम्हः÷स्वम्हः, नुवाकोट, उदयपुर, महोत्तरी व सिन्धुपाल्चोकय् निम्हः÷निम्हः बेपत्ता जुगु दु । झापा, सुनसरी, काठमाडाँै, धादिङ, रौतहट, पर्सा, तनहुँ, दाङ व कञ्जनपुरय् छम्हः÷छम्हः वेपत्ता जुगु गृहमन्त्रालयं धागु दु ।
खुसिंबा व चलखँ लाना ६७ म्हः घाःपा जुगु दु । चलखँय् लाना ३१ व खुसिंबाले लाना १९ म्हः घाःपा जुगु दु । मद्धिक्क वाः वगु कारणं १७ म्हः घाःपा जुगु दु ।
प्राप्त जानकारीकथं मकवानपुर व लमजुङय् च्याम्हः÷च्याम्हः तथा काठमाडौँ, सिराहा व रौतहटय् न्याम्हः÷न्याम्ह घाःपा जुगु दु । मोरङ, सुनसरी, खोटाङ, सर्लाही, रामेछाप, भक्तपुर, धादिङ, पर्सा, स्याङ्जा, पाल्पा, सुर्खेत व जाजरकोटय् छम्हः÷छम्हः घाःपा जुगु दु ।
झापा, भोजपुर, महोत्तरी, सिन्धुपाल्चोक, काभ्रे व गुल्मीं निम्हः÷निम्हः तथा धनकुटा, उदयपुर, सिन्धुली व दोलखाय् स्वम्हः÷स्वम्हः घाःपा जुगु दु ।