पदभार ग्रहणलिपाः नवनियुक्त पर्यटन मन्त्री भट्टराईया प्रतिक्रिया

maitrinews

स्वनिगः । नवनियुक्त संस्कृति, पर्यटन तथा नागरिक उड्ययनमन्त्री योगेश भट्टराईं नेपाः भ्रमण वर्ष २०२० या लक्ष्य हाँसिल यायेगु याना थः न्ह्योने वनेगु धयादिँगु दु । मन्त्रालयं थौं पदभार ग्रहण यासें वय्कलं उगु खँ धयादिँगु खः ।
अथेहे, वय्कलं नेपाल एयरलाईन्सया शाखयात च्वय् थकाय्त भूमिका म्हितिगु नं धयादिँलः । ‘जि गुलि नम्बरया मन्त्री लात मस्यू, तर, वय्कपिं समले जिगु अग्रज खः । जिं सकसिगु सल्लाह कया न्ह्याँ वने ,’ वय्कलं धयादिँल , ‘रवीन्द्र अधिकारीया उत्तराधिकारीया रुपय् थन वया हिनताबोध मखु जितः गौरव महसुस जुगु दु । वय्कलं न्ह्याकादिँगु ज्यायात जिं उचाईले थ्यंके ।’ अथेहे, वय्कलं सञ्चार जगतनापं बिस्यु मवनेगु प्रतिवद्धता व्यक्त यानादिँल । ‘प्रधानमन्त्रीज्यूया विश्वासयात कमजोर जुइके बिमखु । जिं थन ज्या याकेत वयागु मखु ज्या सयेकेत वयागु खः ।’
वय्कलं खादा–माला आःमखु थ्वः मन्त्रालय त्वता वनिगु इले लगेयासा थः सफल जुइगु नं धयादिँल । वय्कलं पदभार ग्रहण यासें प्रधानमन्त्री केपी शर्मा ओली, पार्टीका नेता व मतदातायात नं सुभाय् देँछानादिँल ।