लुँया मूः न्हि न्हि न्हुगु रेकर्ड, छापावाल लुँ तोलाया ७००००

maitrinews

 

स्वनिगः । नेपाःया बजारय् छापावाल लुँया भाः प्रतितोला ७०००० थ्यंगु दु । सुनचाँदी व्यवसायी महासंघया कथं बिहीबाः अन्तर्रा्ष्ट्रिय बजारय् प्रतिऔस ११ अमेरिकी डलर अप्वया भाः ७०००० थ्यंगु दु । अथेहे, तेजावी लुँया मूः ६९७०० थ्यंगु दु ।
मंगलबाः प्रतितोला ६८००० य् कारोबार जुगु लुँया मूः बुधबाः १५०० अप्वःगु दु । बिहीबाः नं लुँया मूः ५०० अप्वःगु दु । थुगु मूः मेंगु रेकर्ड खः ।
मंगलबाः अन्तर्रा्ष्ट्रिय बजारय् प्रतिऔस १४५९ अमेरिकी डलरय् कारोबार जुगु खः । बुधबाः अप्वया प्रतिऔस १४८६ अमेरिकी डलर थ्यंगु दु धासाः थौं अप्वया १४९७ डलर ९९ सेन्ट थ्यंगु दु ।
व्यवसायीया कथं न्युर्योक बजारं २०१९ या अन्ततक्क लुँ प्रतिऔस १५ सय डलर थ्यनिगु प्रक्षेपण यागु दु । थुगु कथं अप्व जुया छन्हु निन्हुया दिँ उगु मूः थ्यनिगु दु ।