“अशोक लेलैण्ड व् रिलायन्स फाइनान्सया दथुई सम्झौता ज्ञापनपत्रय् हस्ताक्षर”

maitrinews

स्वनिगः । आइएमई ग्रुप अन्तर्गत संचालित आइएमई मोटर्स प्रा.लिपाखें प्रवद्र्धित अशोक लेलैण्ड व रिलायन्स फाइनान्स लिमिटेडदथुई सम्झौता पत्रय् हस्ताक्षर जुगु दु । सम्झौताय् फाइनान्सयापाखें प्रमुख कार्यकारी अधिकृत अनिल श्रेष्ठ व आइएमई मोटर्सयापाखें भाइस प्रेसिडेन्ट इमरान ए. खानं हस्ताक्षर यानादिँगु खः ।
थुगु सम्झौता कथं आइएमई मोटर्सपाखें सिफारिस कापिं ग्राहकपिसं सहज रुपय् ७०५८ तक्कया कर्जा सुविधा रिलायन्स फाइनान्स लिमिटेडपाखें दइगु जुगु दु । उकि कथं ग्राहकपिसं अशोक लेलैण्डया थि थि प्रकारया सवारी साधनय् कर्जा सुविधा प्राप्त याइगु जुगु दु । थुगु सुविधां वइगु दिँनय् ग्राहकपिंत कर्जा सुविधा प्राप्त यायेत यक्व हे अपुइगु व निगु हे कम्पनीया प्रमुखपिसं धयादिँगु दु । कर्जा सुविधा जक मखु निगु कम्पनीया दथुई मंका रुमय् सहकार्य यासें न्ह्यावनिगु खँय् नं सहमति जुगु दु ।
रेमिटेन्स व्यवसायपाखें वगु आइएमई ग्रुप सन् २००१ य् स्थापना जुगु खः । रेमिटेन्स, बैंकिङ्ग इन्स्योरेन्स, अटोमोबाइल्स, इनर्जी, ट्राभल–टुर्स, पर्यटन, सूचना प्रविधि, उर्जा लगायतया थि थि क्षेत्रय् लगानी विस्तार यासें नेपाःलय् रोजगारीया अवसर सिर्जना यायेगु ज्याय् आइएमई ग्रुप मद्धिक्क लगेजुया वगु दु ।