अशोक लेलैण्ड व कञ्चन डेभलपमेन्ट बैंक लि.दथुई सम्झौता

maitrinews

स्वनिगः । आईएमई ग्रुप अन्तर्गत संचालित आइएमई मोटर्स प्रा.लि. पाखें प्रवद्र्धित अशोक लेलैण्ड व कञ्चन डेभलपमेन्ट बैंक लिमिटेड (महेन्द्रनगर प्रधान कार्यालय दुगु) दथुई सम्झौता ज्ञापन पत्रय् हस्ताक्षर जुगु दु । सम्झौताय् बैंकया पाखें प्रमुख कार्यकारी अधिकृत बिरु राम जैसी व आईएमई मोटर्सया पाखें भाइस प्रेसिडेन्ट इमरान ए. खानं हस्ताक्षर यानादिँगु खः ।
थुगु सम्झौता कथं आईएमई मोटर्सपाखें सिफारिस कापिं ग्राहकपिसं अपुकः ७०५८ तक्कया कर्जा सुविधा कञ्चन डेभलपमेन्ट बैंक लिमिटेड (महेन्द्रनगर प्रधान कार्यालय दुगु) पाखें बिगु दुगु दु । थुगु कथं ग्राहकपिसं अशोक लेलैण्डया थि थि प्रकारया सवारी साधनय् कर्जा सुविधा प्राप्त याइगु जुगु दु । थुगु सुविधां वइगु दिनय् ग्राहकपिंत कर्जा सुविधा प्राप्त यायेत यक्व हे अपुइगु व निगु हे कम्पनीया प्रमुखपिसं धयादिगु दु । कर्जा सुविधा जक मखु निगु हे कम्पनीया दथुई मंका रुपं सहकार्य यासें न्ह्यावनिगु खँय् नं सहमति जुगु दु ।
रेमिटेन्स व्यवसायपाखें वगु आइएमई ग्रुप सन् २००१ य् स्थापना जुगु खः । रेमिटेन्स, बैंकिङ्ग इन्स्योरेन्स, अटोमोबाइल्स, इनर्जी, ट्राभल–टुर्स, पर्यटन, सूचना प्रविधि, उर्जा लगायतया थि थि क्षेत्रय् लगानी विस्तार यासें नेपालय् रोजगारीया अवसर सिर्जना यायेगु ज्याय् आइएमई ग्रुप मद्धिक्क लगेजुया च्वंगु दु ।