लुँया भाः तोलाय् गुसः म्ह्वः जुल

maitrinews

स्वनिगः । लिपांगु लत्यानिसें यक्वः च्वय्क्वय् जुयाच्वंगुया दथुई कारोबार जुया वगु लुँया मूः स्थानीय बजारय् सामान्य गिरावट वगु दु । नेपाल सुन चाँदी व्यवसायी महासङ्घया कथं थौं छापावाला लुँया मू ९०० गिरावट जुया प्रतितोला ७२६०० कायम जुगु दु । सोमबाः छापावाल लुँ प्रतितोला ७३५०० य् कारोवार जुगु खः । उगु मू नेपाःया इतिहासय् आःतक्कया उच्च खः ।
अथेहे तेजाबी लुँया मू नं प्रतितोला ९०० या दरं म्ह्वः जुगु दु । तेजाबी लुँया मूः प्रतितोला ७२३०० कायम जुगु दु । सोमबाः तेजाबी लुँया मू प्रतितोला ७३२०० थ्योगु खः । लुँया मू छुं म्ह्व जुसा नं वह्या मू धासाः यथावत दु । स्थानीय बजारय् वह्या प्रतितोला ८६० रुपैयाँय् कारोवार जुयाच्वंगु महासङ्घं धागु दु ।