प्रधानमन्त्रीयात नापलायेत गौतम सिंगापुर झाायादिगु

maitrinews

स्वनिगः । सिंगापुरय् वासःयाना च्वनादिम्हः प्रधानमन्त्री तथा पार्टी नायः केपी शर्मा ओलीयात नापलायेत नेकपाया न्वकू वामदेव गौतम थौं सिंगापुर झाँयादिगु जुगु दु । मंगलवाः झाँयादिगु ज्याभ्वः रद्द जुगु कारणं गौतम प्रधामन्त्रीया इच्छा कथं थौं सिंगापुर झाँयादिँ त्यंगु खः ।
थुकिंन्हापा गौतम व मूः छ्यान्जे विष्णु पौडेल सिंगापुर थ्यनेधुंका प्रधामन्त्रीं हे गौतमया खोजी यागु व फोन याना झाँयादिसाः जिउ धैगु चाहेजुगुलिं वय्क सिंगापुर सिंगापुर झाँयादि त्यंगु खः ।
प्रधानमन्त्रीया मिर्गौलाय् अप्वःगु एन्टीबडीया मात्रा म्ह्वः यायेत प्लाज्मा फेरेसिस प्रक्रियां उपचार जुयाच्वंगु दु । उगु अन्तर्गत थौं अन्तिम चरणया उपचार जुइत्यंगु दु । थुगु उपचार क्वचायेका प्रधानमन्त्रीनापं न्वकू गौतम व मू छ्यान्जे पौडेल स्वदेश लिहाँ झाँयादिगु ज्याभ्वः दु ।