जोन्सनया निर्वाचन प्रस्ताव निक्वःगु पटक नं अस्वीकृत

maitrinews

लण्डन । बेलायती प्रधानमन्त्री बोरिस जोन्सनया निर्वाचन प्रस्ताव अनया हाउस अफ कमन्सं निक्वःगु पटक नं अस्वीकृत यागु दु ।
युरोपेली युनियनं पिहाँ वय्गु ब्रेक्जिट प्रस्ताव संसदपाखें अस्वीकृत जुया हतास जुम्हः बोरिसं अक्टोबर १५ य् निर्वाचन यायेगु प्रस्ताव संसदमा तगु खः । तर, वय्कया प्रस्ताव निक्वःगु पटक नं सांसद्पिसं अस्वीकृत यागु दु ।
बीबीसीया कथं, २९३ सांसद्ं जक जोन्सनया प्रस्तावय् समर्थन यागु दु । निर्वाचन प्रस्ताव पारितया लागिं निगु तिहाइ अर्थात ४३४ मत आवश्यक जुगुलिं १४१ म्ह्वः मत जोन्सनं कागु खः ।
विपक्षी जक मखु सत्तारूढ दलया हे सांसदं नो डिल ब्रेक्जिटसम्बन्धी विधेयक पारित जुइके मब्युसेंलिं जोन्सजं निर्वाचन याके त्यंगु खः । तर, सत्तारूढनापं विपक्षी दलया छुं सांसद् बेक्जिटया नितिं बाध्य यायेत जोन्सनं निर्वाचनया कार्ड छ्येले त्यंगु धासें विरोध यागु खः ।
बेलायत युरोपियन युनियन इयुपाखें पिहाँ वय्गु आःया ईया सीमा अक्टोबर ३१ खः । उगु अवधिं बिना सम्झौता जुसां नं बेलायत इयुपाखें अलग जुइगुसम्बन्धी कानून दयेकेया लागिं हगु विधेयकया पक्षमा लिपांगु वाः ३०१ तथा विपक्षय् ३२८ मत वःगु खः ।
जोन्सनया प्रस्तावय् बेलायतया संसद् आःया न्याँगु वाः निलम्बित जुई । सम्झौतां लिहाँ वय्धुंका बेलायतया संसदं युरोपेली युनियनहे च्वनेगु वा पिहाँ वय्गु सम्बन्धी कानून पारित यायेमा ।